ဗုဒ္ဓမြတ်စွာ သာသနာ ရောင်ဝါနေသို့ လင်းပါစေ
Related Posts Plugin for WordPress, Blogger...

Posted on: Saturday, July 20, 2013

သံဝေဂ မေးခွန်းများ.....?


အသင်...အသက်ကြီးနေပြီ သဘောထား မကြီးနိုင်သေးဘူးလား?
အသင်...ဆံပင်တွေ ဖြူနေပြီ စိတ်ထားမဖြူနိုင်သေးဘူးလား?
အသင်...ဆံပင်တွေကျွတ်နေပြီ အကျွတ်တရား မရနိုင်သေးဘူးလား?
အသင်...ထိပ်ပြောင်နေပြီ  ကိလေသာ ပြောင်အောင်မလုပ်နိုင်သေးဘူးလား?
အသင်...မျက်စိ မှူန်နေပြီ တရားအတွက် စမ်းတ၀ါးဝါး ဖြစ်နေတုံး ပဲလား?
အသင်... နားထိုင်းနေပြီ တရားနာဖို့ ထိုင်းမှိုင်းနေတုံးပဲလား?
အသင်...အသက် ရှူသံ ချို့ တဲ့နေပြီ အာနာ ပါန လုပ်ဖို့ ချို့ တဲ့နေတုံး ပဲလား?
အသင်...လျှာထူနေပြီ မကောင်းမှူမှာ ထူပူနေတုံးပဲလား?
အသင်...သွား ကျိုးနေပြီ မာန်မာန မကျိုးနိုင်သေးဘူးလား?
အသင်...ပါးစပ် ရွဲ့ နေပြီ ကုသိုလ် ကိုအရွဲ့တိုက်နေတုံးပဲလား?
အသင်...အသံပြာနေပြီ ခုထိ ဗျာ များနေတုံးပဲလား?
အသင်...လက်တွေတုန်နေပြီ  ပုတီး ကိုင်ဖို့  ချီတုံချတုံ ဖြစ်နေတုံးပဲလား?
အသင်...ခြေထောက်တွေ ယိုင်နေပြီ အမှားဘက်ကို ယိုင်နေတုံးပဲလား?
အသင်...အသားအရေတွေ တွန့် နေပြီ  ကုသိုလ် လုပ်ဖို့ တွန့် နေတုံးပဲလား?
အသင်...ခါးကိုင်းနေပြီ  ရတနာ သုံးပါးကို မကိုင်းရှိုင်းနိုင်သေးဘူးလား?
အသင်...စိတ်တွေဝေနေပြီ ၀ိပဿနာလုပ်ဖို့  တွေဝေနေတုံးပဲလား?


အရှင် သုခမိန္ဒ
တက္ကသီလ မဟာဓမ္မာစရိယ
MA(Buddhism)(Sri lanka)



                      ***** တတိယမြောက်သမီးတော် *****

Posted on: Thursday, July 18, 2013

တွေ့ မြင်ခဲ့ရ သံဝေဂ သတိနဲ့ ဆင်ခြင်ကြစေချင်




သမီးတော် (၁၁-၇-၂၀၁၃) နေ့  ကအလုပ်ကိစ္စ နှင့်ခရီးထွက်ခဲ့ပါတယ်။
မန္တလေးနဲ့ ပြင်ဦးလွင် ကိုရောက်ခဲ့ပါတယ်။

ပြောရရင်တော့ သမီးတော်တို့  မြို့ က တောမြို့ လေးပါ။
တောမြို့ လေးမှာ သူတောင်းစားတစ်ယောက်မှ မရှိပါဘူး။
ဆင်းရဲတဲ့သူတွေရှိပေမယ့် တောင်းစားတဲ့အခြေအနေ မျိုးတော့မရှိကြဘူး။
သူများအိမ်မှာ အ၀တ် လိုက်လျှော်တဲ့သူ သန့် ရှင်းရေးလုပ်တဲ့သူ ထမင်းဟင်းချက်တဲ့သူတွေ
တော့ ရှိပါတယ်။ ကိုယ်ထမင်း ကို ရှာစားကြတဲ့ လူမျိုးတွေပဲ ရှိတယ် လို့ ဆိုချင်တာပါ။

မန္တလေး ရောက်တော့ သူတောင်းစားတော်တော် များများကိုတွေ့ ရတယ်။
ဘယ်လို အကြောင်းကြောင့်များ သူတောင်းစားဖြစ်နေတာလဲ ဆိုတဲ့  အတွေးတွေ ၀င်မိတယ်။

 ခန္ဓာ ရရင်ဒုက္ခ သစ္စာ ပါဆိုမှ  စားဖို့ နေဖို့  ပါ ဒုက္ခ ဆိုမှတော့ ဘ၀ က တော်တော်ဆိုးပြီပေါ့။
အရင် ဘ၀တွေမှာ သူတော်ကောင်းတွေကို သူတောင်းစားတွေလို့ များ ပြောဆိုပြစ်မှားကြလို့ လား။
ကိုယ်တိုင်က ၀ီရိယ အားနည်းပြီး ပျင်းရိလို့ လား။


တွေ့ ခဲ့သမျှ သူတောင်းစားတွေကလည်း ခြေကော လက်ကော အကောင်းတွေ ကြီးပါပဲ။
ဘာတစ်ခုမှ မချို့ ယွင်းပဲနဲ့ ကိုတောင်းစားနေကြတာ။သံသရာ တစ်လျှောက်လုံးများ
ဒီလိုပဲနေသွားကြလေမလားတောင် မသိပါဘူး။
ဒီလိုလူတွေ သံသရာကို ဘယ်လိုအဆုံးသတ် နိုင်မှာလဲ ။
သနားစရာလည်း ကောင်းသလို စိတ်ပျက်စရာလည်း ကောင်းပါတယ်။

အတွေးတွေ အများကြီးပါ။

ဒီလိုလူတွေ က သစ္စာကို မရှာနိုင်တာ ထားတော့ ။ ပြည့်စုံတဲ့သူတွေကော သစ္စာ ကိုရှာကြရဲ့လား။
ငွေကြေးပြည့်စုံနေပါလျှက်နဲ့။ ငွေကိုပဲထပ်ရှာပြီး ပျော်နေကြမှာ။ သေခြင်းတရားကိုမေ့ နေကြမှာ။
ငါမသေနိုင်သေးဘူးလို့ တွေးပြီး ငွေပဲရှာဖို့ အားသန်နေကြမှာ။

မြတ်စွာဘုရားရဲ့သာသနာတော် နဲ့ ဆုံခိုက်လေးမှာ သစ္စာ သိဖို့  ကြိုးစားတဲ့ သူဆိုတာ
တော်တော်ကိုနည်းပါတယ် ။သမီးတော်နေတဲ့ ရွာမှာ လူဦးရေ (၃၀၀၀)လောက်ရှိမယ်.
တရားစခန်းဖွင့်တော့ စခန်းဝင်တဲ့ သူ က (၁၀၀)တောင် မပြည့်ဘူး။
တခြားနေရာတွေလည်း အဲ့လို ပါပဲ။

ဒီတော့ သစ္စာသိဖို့ ကြိုးစားတဲ့သူ ထက် ငွေရှာဖို့ ပဲ အားသန်တဲ့သူ က ပိုများတယ် ဆိုတာ
အသိသာကြီးပါ။ငွေကြေးပြည့်စုံပေမယ့်  သစ္စာသိအောင်မကြိုးစားတဲ့သူ
သမီးတော် ခရီးထွက်တဲ့ အချိန်မှာတွေ့ ခဲ့တဲ့ သူတောင်းစားတွေနဲ့ ဘာများခြားနားမှာတဲ့လဲ။
သူတောင်းစားတွေ နဲ့ အတူတူပါပဲ။ သူတို့ က နေစရာ စားစရာတောင်မရှိလို့  တရားတောင်မနာနိုင်တာ။
သစ္စာသိဖို့ အဝေးကြီးပါ။ နေစရာ စားစရာရှိပြီး အလှူဒါန ပြုပေမယ့်လို့  သစ္စာသိဖို့  မကြိုးစားတာဟာ
အင်မတန်မိုက်မဲ တဲ့သူတွေ လို့  ပြောရမှာပါ။

လူရယ်လို့ ဖြစ်လာပြီး တကယ် တန်ဖိုးရှိချင်တယ် ဆိုရင်ဖြင့် သစ္စာ သိအောင် အမြန်ဆုံး
လေ့လာအားထုတ်ကြပါလို့  တိုက်တွန်းချင်ပါတယ်။
သစ္စာသိအောင်မကြိုးစားရင်တော့ သူတောင်းစားနဲ့မခြားတဲ့ သံသရာလည်ခြင်းမှာပဲ
ကျင်လည်နေကြအုံးမှာပါ။

ကိုယ့်ကိုကိုယ် ကယ်တင်ကြပါ။ သေခြင်းတရားကိုမမေ့ ကြပါနဲ့။
အသိတရားရှိရှိ အသိဥာဏ် မြင့်မြင့် နဲ့ လူဖြစ်ကျိုးနပ်သူများဖြစ်ကြပါစေလို့ ဆုတောင်းရင်း

                  *****တတိယမြောက်သမီးတော်*****

Posted on: Sunday, July 7, 2013

သောတာပန်မှာ ငါ့လင် ငါ့သား ဒိဋ္ဌိစွဲ ရှိလို့လား


ဒကာ။ ။ သောတာပတ္တိမဂ်က ဒိဋ္ဌိနဲ့ ၀ိစိကိစ္ဆာကို အကြွင်းမဲ့ ပယ်တယ်ဆိုတာ ဘယ်ဒိဋ္ဌိကို ပယ်တာလဲ ဆရာတော်။သောတာပန်တွေဟာ လင်ယူ သားမွေး ရောင်းဝယ်ရေးကိစ္စတွေ လုပ်နေသေးတယ်၊ သား မြေး လင် သေတော့လည်း ငိုကြွေးသေးတယ် ဆိုတော့ကာ ဒိဋ္ဌိစွဲ မကုန်သေးလို့သာ ဖြစ်ရမှာပေါ့၊ ရှင်းပြပါဦးဆရာတော်၊ လွယ်လွယ်နဲ့ သိနိုင်အောင်ပေါ့ ဘုရား။

ဆရာ။ ။ အင်း….ဒကာကြီးတို့ မေးခွန်းက လွယ်လွယ်နဲ့ မပြီးနိုင်တဲ့
အဖြေမျိုးပဲ၊ ဉာဏ်နားရှိသူများမှ နားလည်မှာဖြစ်တယ်၊ ဉာဏ်နားနဲ့ စိတ်
ဝင်စားပြီးတော့ မှတ်သားပါ။
 

သောတာပန်မှာ နိစ္စစွဲနဲ့ အတ္တစွဲ ဒိဋ္ဌိတွေ မရှိဘူးဆိုပေမဲ့ တထစ်ချ ဧကန္တ
မမှတ်ရဘူး၊ လုံးဝမရှိတဲ့ နိစ္စနဲ့ အတ္တစွဲ ဒိဋ္ဌိကတော့ ဝိပ္ပလ္လာသတရား သုံး
ပါးထဲက….သောတာပန် ပုဂ္ဂိုလ်၌ နိစ္စ - ခိုင်မြဲတဲ့ အတ္တကောင် ငါကောင်
ရှိတယ်လို့ ယူစွဲထားတဲ့ ဒိဋ္ဌိဝိပ္ပလ္လာသကိုတော့ အကြွင်းမရှိဘဲ သောတာ
ပတ္တိမဂ်က ပယ်သတ်လိုက်တယ်၊ လုံးဝ မရှိတော့ဘူးပေါ့။
အဲဒီ……သောတာပတ္တိမဂ် ပယ်သတ်ပုံထူးတာက ခန္ဓာငါးပါးအပေါ်၌ စွဲ
ယူတဲ့ သက္ကာယဒိဋ္ဌိ နှစ်ဆယ်ကို ခန္ဓာတပါးစီသာ ပယ်သတ်နိုင်တာ၊
ရူပက္ခန္ဓာတပါး အပေါ်၌ ထင်ရှားအောင်ပြရရင်…
၁။ ရူပက္ခန္ဓာသည် ငါ။
၂။ ငါသည် ရူပက္ခန္ဓာ။
၃။ ရူပက္ခန္ဓာ၌ ငါရှိသည်။
၎။ ငါ၌ ရူပက္ခန္ဓာ ရှိသည်။
ဆိုတဲ့ (ရူပံ အတ္တတော သမနုပဿတိ) စသည်ဖြင့် ရုပ်အပေါ်၌ အတ္တ
ကောင်ရှိတယ် ခိုင်မြဲတယ် ဟူသော ဒိဋ္ဌိမျိုးလုံးဝ မရှိတဲ့ သက္ကာယဒိဋ္ဌိ
စွဲကို ပယ်သတ်တယ်လို့ မှတ်ယူရမည်တဲ့။
ဝေဒနာက္ခန္ဓာ၊ သညာက္ခန္ဓာ၊ သင်္ခါရက္ခန္ဓာ၊ ၀ိညာဏက္ခန္ဓာတို့ အပေါ်မှာ
လည်း အဲသည်လိုဘဲ တပါးစီ တပါးစီ သက္ကာယဒိဋ္ဌိတွေကို ပယ်သတ်
သွားတယ်လို့ မှတ်ယူရမည်တဲ့။
 

သောတာပန်ဟာ အဲဒီအတိုင်း ခန္ဓာငါးပါးအပေါ်မှာ သက္ကာယဒိဋ္ဌိအစွဲ
နှစ်ဆယ်ကိုသာ ပယ်ဖြတ်သုတ်သင် ရှင်းလင်းနိုင်သေးတာလို့ မှတ်ယူ
ရမည်တဲ့။အိမ်ထောင်သားမွေးရောင်းဝယ်ရေးနဲ့ ငိုကြွေးမှု စသည်တွေ ရှိနေသေး
တာကတော့ သညာဝိပ္ပလ္လာသနဲ့ စိတ္တဝိပ္ပလ္လာသတို့က ၀င်ဝင် စွက်နေ
လို့ဟု မှတ်ရမည်တဲ့။ခန္ဓာတပါးစီ အပေါ်မှာ သူကောင် ငါကောင် အတ္တစွဲ ငါစွဲ ကင်းနေသော်
လည်း ခန္ဓာငါးပါးလုံးကို ပေါင်းရုံးစွဲမှီပြီး ခေါ်ဆိုသမုတ်နေတဲ့ တကိုယ်
လုံး တကောင်လုံးကိုပင် ယောက်ျား မိန်းမ ငါ့လင် ငါ့သား ငါ့ဥစ္စာ ငါ့
ဟာ ဟု သိမှု စိတ္တဝိပ္ပလ္လာသနဲ့ မှတ်မှု သညာဝိပ္ပလ္လာသတို့က ရှိနေ
သေးသောကြောင့် လင်ယူ သားမွေးတွေ လုပ်နေကြသေးတယ်လို့
သာ မှတ်ယူရမည်။
ဒါပေမဲ့ ပုထုဇဉ်တုန်းကလိုတော့ အစွဲအမြဲ သဲသဲမဲမဲ စုံရေ မျက်ပြဲကြီး
မဟုတ်တော့ဘူး၊ အမှတ်မဲ့နေတဲ့အခါမှာသာ စိတ္တဝိပ္ပလ္လာသနဲ့ သညာ
ဝိပ္ပလ္လာသ နှစ်ပါးက ၀င်နေတာ၊ ၀င်နိုင်တာပါတဲ့။
ယောနိသော မနသိကာရနဲ့ ဆင်ခြင်စဉ်းစားမိတဲ့အခါမျိုးနဲ့ ၀ိပဿနာ
တရားပွားများ ရှုမှတ်နေတဲ့ အခါမျိုးကျတော့ ဒီ သညာအမှတ်မှားတို့
စိတ္တအသိမှားတို့ဟာ လုံးဝ ၀င်မလာတော့ဘူးတဲ့။
 

ကဲ….ဒကာကြီးတို့ စဉ်းစားကြည့်စမ်း၊ သောတာပန်မှာ ရှုမှတ်ဆင်ခြင်
မှု မရှိဘဲနဲ့ မြင် ကြား စသည့် အာရုံတို့ ပေါ်တိုင်း အနိစ္စဓမ္မတွေဘဲလို့
အမြဲထင်မှတ်သိရှိနေရင် ရဟန္တာနဲ့ ဘာထူးသေးသလဲ၊ အာသဝ
တရားလေးပါး ကုန်ခန်းရာ ရောက်သွားမှာပေါ့၊ ကဲ…ရှင်းရဲ့လား။
 

ဒကာ။ ။ ဝိပ္ပလ္လာသ တရား သုံးပါးတို့တွင် သောတာပန်ပုဂ္ဂိုလ်က
သညာဝိပ္ပလ္လာသနဲ့ စိတ္တဝိပ္ပလ္လာသ နှစ်ပါးကျန်ရှိနေသေးတယ်ဆိုတာ
သိရလို့ ရှင်းလင်းသွားပါပြီ ဆရာတော်၊ သောတာပန် ပယ်တဲ့ ဒိဋ္ဌိနဲ့
ဝိစိကိစ္ဆာ ဆိုရာမှာ သောတာပတ္တိမဂ်က ဒိဋ္ဌိဝိပ္ပလ္လာသ ဖြစ်တဲ့ သက္ကာ
ယဒိဋ္ဌိနှစ်ဆယ်ကိုသာ လုံးဝ ပယ်ဖြတ်လိုက်တယ် ဆိုတာလည်း ခုမှပဲ
ရှင်းတော့တယ် ဆရာတော်၊ ကျေးဇူးတင် ၀မ်းသာလှပါတယ် ဘုရား။

အဂ္ဂမဟာပဏ္ဍိတ အရှင်သြဘာသာဘိဝံသ



(https://www.facebook.com/groups/358953880845864/) မှ ကူးယူဖေါ်ပြပါသည်။

*****တတိယမြောက်သမီးတော်*****

Posted on: Tuesday, July 2, 2013

ဘ၀ မှာ အနိုင်ရသူဖြစ်ဖို့ 





ကဿပ ဘုရားရှင် လက်ထက်တော်အခါ က ရဟန်းတော် နှစ်ပါးရှိတယ်။
တစ်ပါးက ၀ိပဿနာ တရားအားထုတ်တယ် ဒါန ကောင်းမှူ လုပ်စရာမလိုဘူး။ဝိပဿနာ အကျင့်ပဲ ကျင့်မယ်
လို့  ဆိုတယ်။ တစ်ပါးကတော့ အေး ဘုန်းကြီးဆိုပေမယ့် ဒါန ကောင်းမှူ လုပ်သင့်တယ်။ သာရဏိယ ၀တ်
ဆိုတာ ဖြည့်သင့်တယ်လို့ ယူဆပြီး ကိုယ်ရလာတဲ့ဆွမ်းသင်္ဃန်းကို သီးတင်းသုံးဖေါ်တွေကိုမျှဝေလှူဒါန်းတယ်

ရဟန်းနှစ်ပါး ပျံလွန်တော်မူတော့ နတ်ပြည်မှာ သွားဖြစ်တယ်။ဝိပဿနာ အကျင့်သာကျင့်ပြီး ဘာမှမလှူတဲ့ ရဟန်းက နတ်ဖြစ်ပေမယ့် လှူဒါန်းမှူပြုတဲ့ ရဟန်း ရဲ့ အဆင့်အတန်းကိုမမှီဘူး။လှူဒါန်းမှူပြုတဲ့ ရဟန်း က
သက်တမ်းပိုရှည်တယ်။အဆင်းပိုလှတယ်။ ချမ်းသာသုခပိုများတယ်။ခွန်အားဗလပိုကြီးတယ်။ အစိုးရမှူလည်း
ပိုများတယ်။

နတ်ပြည်ကနေ လူပြည့်ရောက်တဲ့အခါ ဒါန ကောင်းမှူပြုတဲ့ ပုဂ္ဂိုလ်က  ဘုရင့်သားတော်လာဖြစ်တယ်။
ဒါနကောင်းမှူ မပြုခဲ့တဲ့ ပုဂ္ဂိုလ်က အထိမ်းတော်ရဲ့ သားလာဖြစ်တယ်။

ဒါက ဘာကိုပြဆိုလည်းဆိုရင် ၀ိပဿနာ ကျင့်ရင်ပြီးတာပဲလို့ တွေးပြီး ဒါန မပြုရင် ဘ၀ ရှုံးတယ်ဆိုတာကို
ပြဆိုတာပါပဲ။

အဓိက က မဂ်ဆိုဒ် ဖို့  ဖြစ်ပါတယ်။မဂ်ဖိုလ်ကို မရရင်တော့ ဒါန ကောင်းမှူပြုဖို့ လိုအပ်ပါတယ်။

သံသရာမှာလည်နေအုံးမယ့်သူတစ်ယောက်ဟာ ဒါန သီလ ကိုအထူးတလည်ဆောက်တည်ဖို့ 
လိုအပ်ပါတယ်။ အရိယာ မဂ် ကိုရထားပြီးရင်တော့ ဒါန ကောင်းမှူ မပြုလည်း ကိစ္စ မရှိပါဘူး။
ကိုယ့်ပြုတဲ့ ဘာဝနာ အားကို ကိုယ့်ကိုကိုယ်ချင့်ချိန်ပြီး ဆင်ခြင်နိုင်ကြဖို့ အလွန်အရေးကြီးပါတယ်။
ဘ၀ ဘ၀ သံသရာလည်နေအုံးမယ့်သူများဟာ အသ်ိအဆင်ခြင် မရှိရင်တော့  အနိုင်ရသူမဖြစ်ပဲ
အရှုံးနဲ့ ရင်ဆိုင်ရမယ့်သူများသာဖြစ်လာမယ်ဆိုတာ သတိပေး တိုက်တွန်းလိုက်ပါတယ်။



              *****တတိယမြောက်သမီးတော်*****



ကျမ်းကိုး။      ။အဂ္ဂမဟာပဏ္ဍိတ အရှင်နန္ဒမာလာဘိဝံသ( Ph.D)၏ နိုင်သူနှင့် ရှူံးသူ စာအုပ်ကိုမှီငြမ်းပါသည်။