ဗုဒ္ဓမြတ်စွာ သာသနာ ရောင်ဝါနေသို့ လင်းပါစေ
THAMEETAW THIRD
Related Posts Plugin for WordPress, Blogger...

Posted on: Friday, October 18, 2013

ဆရာကောင်း သမားကောင်း ကိုမှီဝဲပါ

ဆရာကောင်းသမားကောင်း ကို မှီဝဲ ဆည်းကပ်ဖို့  သမီးတော် အကြိမ်ကြိမ် တိုက်တွန်းခဲ့ပါတယ်။
ဒီလိုတိုက်တွန်းရတာကလည်း သမီးတော်ကိုယ်တိုင် ကြုံ ခဲ့ရတဲ့အဖြစ်တွေက သင်ခန်းစာတစ်ခု ဖြစ်နေလို့ 
ပါပဲ။
သမီးတော် က ငယ်ငယ်လေးတည်း က တရားဆိုတာကိုသိတ်စိတ်ဝင်စားခဲ့တာပါ။ စိတ်ပိုင်းဆိုင်ရာ
လေ့ ကျင့်ခန်းတွေ လုပ်ခဲ့ဖူးတယ်။ ပထ၀ီ ကသိုဏ်း ကို ရှူခဲ့ဖူးတယ်။ရေ ကသိုဏ်း ကိုရှူခဲ့ဖူးတယ်။
မီးကသိုဏ်း ကို ရှူခဲ့ဖူးတယ်။ထွန်းထွန်းပေါက်ပေါက်ကြီးမဟုတ်ပေမယ့် ထူးခြားမှူလေးတွေတော့
ရှိခဲ့ တယ်။ဒါပေမယ့် သမီးတော်ရဲ့ အသိထဲ မှာ ဒါတွေဟာ နိဗ္ဗာန်ရောက်ကြောင်းတော့မဖြစ်နိုင်ဘူးလို့ 
တွေးမိလို့  ဆက်ပြီးအားမထုတ်ခဲ့တော့တာပါ။ဝိပဿနာ ဆိုတာ ကို သဲသဲ ကွဲကွဲ နားမလည်ပဲဝိပဿနာလို့ 
ပြောတဲ စာအုပ်တစ်ချို့ ကိုဖတ်ပြီး အမှားမှားယွင်းယွင်းလည်း အားထုတ်ခဲ့ဖူးပါတယ်။
အဲ့လို အမှား ကိုအားထုတ်တော့ဘာဖြစ်သလဲဆိုရင်။ အရမ်းကိုငိုချင်တာမျိုး ဖြစ်ခဲ့တာပါ။
ဒါဟာ မှားနေပြီဆိုတာကို သိလို့ ဆက်အားမထုတ်ပဲ ရပ်ပစ်ခဲ့ရပါတယ်။ဝိပဿနာဆိုတာ အရူးပျောက်တဲ့ဆေးပါ
ရူးနေတဲ့သူတောင် ကောင်းသွားရမှာဖြစ်ပေမယ့် ငိုချင်တာ ရယ်ချင်တာ ဖြစ်နေတယ် ဆိုရင် ဒါဟာ မှားယွင်း
နေပြီလို့ သိရမှာပေါ့။

တချို့ စာအုပ်တွေမှာ ညွှန်းထားတာရှိတယ်။ဆရာကောင်းသမားကောင်းကို ဆည်းကပ်ပြီး လေ့လာပြီးမှ
အားထုတ်ပါလို့ ညွှန်းထားတယ်။ အဲ့တော့ဆရာကောင်းသမားကောင်းကိုဘယ်လိုရှာမလဲဆိုတာ
စဉ်းစားလို့ မရဘူး။ ကိုယ်ပိုင်ဥာဏ်နဲ့ ဆရာကောင်းသမားကောင်းလို့ တွက်ချက်လို့ မရဘူး။
စိတ်ထဲမှာရှိပေမယ့်ဘာမှလုပ်လို့ မရဘူး။ပတ်ဝန်းကျင် ဗဟုသုတ လည်း နည်းတော့ ဘာမှကိုမသိတာပါ။

အဲ့ဒီမှာ ကံကောင်းထောက်မ စွာနဲ့ ဓါတ်တော်ကျသွားတဲ့ မိုးကုတ်ဆရာတော်ဘုရားကြီးရဲ့ တရားတွေ နာကြား ရတယ်။ ဒါပေမယ့်နားမလည်ဘူး။ နားမလည်တော့ ဘာသာရေးလုပ်တယ်လို့သိထားတဲ့
အမ တစ်ယောက် ကို မေးကြည့်တယ်။ မိုးကုတ်ဆရာတော်ဘုရားကြီးတရားကိုနာမယ်ဆိုရင် ပဋိစ္စသမုပ္ပဒ်
ကိုနားလည်မှ ရမယ်။  အဲ့ဒါ နားလည်ဖို့ သင်တန်းတက်ရမယ်။တဲ့။တက်ဆိုလည်းတက်ဖို့ အဆင်သင့်ပါပဲ။
သမီးတော်က ကလေးပေါက်စ လောက်ထဲက တရားကိုစိတ်ဝင်စားလာတာ။ဘယ်နေရာမှာတက်လို့ ရလဲ။
တခါတည်းမေးတယ်။မိုးကုတ်မှာ တက်လို့ ရတယ်တဲ့.။ အိုး ..နီးလျှက်နဲ့ဝေးနေတာပါလား။

အထက်လူကြီးခွင့်ပြုသည်ဖြစ်စေ မပြုသည်ဖြစ်စေ နောက်ပြဿနာ နောက်ရှင်းမယ်။ခုလောလောဆယ်တော့
ကိုယ်လိုချင်တာယူမယ်ဆိုတဲ့ တသက်လုံးက အရိုးစွဲနေတဲ့ စိတ်ဓါတ်။   ဒီနေရာမှာ ကောင်းကောင်း အသုံး
ချပစ်လိုက်တယ်။ မိုးကုတ်ကိုသွားတယ်။စခန်းဝင်ဖို့  ကြိုတင်စာရင်းပေးထားခြင်းလဲ မရှိပဲ ခပ်တည်တည်နဲ့
တရားစခန်းရောက်သွားတာ။ ဆရာဘုန်းကြီးနဲ့တွေ့ တယ် စာရင်းကပေးမထားပေမယ့် တစ်ယောက်တည်း
သမားဆိုတော့ နေစရာအခက်အခဲ မဖြစ်ဘူး။ အိပ်ယာလိပ်က ပါနေတာနဲ့ တခါတည်း လက်ခံထားပေးတယ်။ဒါပဲလေ ပြင်းထန်တဲ့စိတ်ဓါတ်အခံကရှိနေတော့လဲ အောင်မြင်သွားတာပဲ။

စခန်းဝင်ယောဂီ ဖြစ်ပြီ။သင်ရပါပြီ မနက်(၇)နာရီမှာ ပဋိစ္စသမုပ္ပဒ် သင်တန်းတရား။ နေ့လည်(၁)နာရီမှာ
အရှူခံ  နဲ့ အရှူဥာဏ်။ ညနေ(၄)နာရီမှာ အလုပ်သင် တရားတော် နာကြားမှတ်သားရတယ်။

ပဋိစ္စသမုပ္ပဒ် ဆိုတာ ခန္ဓာ ဖြစ်စဉ်ကို သင်ပေးတာပါ။ ခန္ဓာ ဖြစ်စဉ် ကိုမသိရင် ခန္ဓာ ဖြစ် ပျက် ကို ရှူမှတ်ဖို့ 
ဘယ်လွယ်ပါ့မလဲ။ သိအောင်သင်ပေးတယ်။ သိတ်တော်တဲ့ဆရာသမားတွေပါ။ ရှင်းရှင်းလင်းလင်း
ကွက်ကွက် ကွင်းကွင်း ဥာဏ်နဲ့မြင်အောင်ကို သင်ကြားပေးတာ။ သင်တာ ညံ့ရင်လဲ တရားဘယ်လောက်
ကောင်းကောင်း  နားမလည်ဘူး မရှင်းဘူး။ခန္ဓာ ကိုရှင်းရှင်း လင်းလင်းမသိနိုင်မမြင်နိုင်ဘူး။

အရှုခံ နဲ့ အရှူဥာဏ်ဆိုတာခန္ဓာရဲ့  ဖြစ်ပျက် ကိုရှူတဲ့အခါ ဘယ်ဓမ္မ က အရှူခံ ဓမ္မ လဲ။ ရှူတဲ့ဥာဏ်က
ဘယ်လိုရှူသလဲဆိုတာကို ရှင်းလင်းသင်ကြားပေးတာပါ။ ရှူရမယ့် ဓမ္မ ကိုမသိပဲ ဘယ်လိုဥာဏ်နဲ့ သိမြင်
ရှူမှတ်ရမလဲဆိုတာ မသိရင် ၀ိပဿနာ မဖြစ်နိုင်ပါဘူး။

ရမ်း  ရှူနေရင် အကန်း လမ်းလျှောက်သလို လိုရင်းကိုရောက်မှာမဟုတ်လို့ ပါ။ထိုင်တိုင်းသာ တရားရမယ်
ဆိုရင် သမီးတော်တို့  အရိယာဖြစ်ရုံမကဘူး။ ရဟန္တာပါဖြစ်ပြီး ပရိနိဗ္ဗာန်တောင် စံပြီးရောပေါ့။
ရှူနည်း ရှူချက် ရှူကွက် ကိုပိုင်ပိုင် နိုင်နိုင်သိမှ ရှူမှတ်မှူ စနစ် မှန်ကန်ပြီး တရားတက်တော့မှာပေါ့။

အလုပ်သင်တရားဆိုတာက အရှူခံ ကို အရှူဥာဏ်နဲ့ ရှူမှတ်တဲ့အခါ ကိလေသာတို့ ဝင်နှောက်ယှက်တာကို
ဖယ်ပြီး ရှူတတ်အောင်။ သင်ကြားပို့ချတာ။ အထူးတလည် ပို့ ချချက်ကတော့ မြင်တွေ့သမျှ ဓမ္မလေးတွေကို
ဒါဟာ ဒုက္ခ သစ္စာ ပဲလို့  ပိုင်ပိုင်နိုင်နိုင် ဆုံးဖြတ်ချက်ချတတ်ဖို့ သင်ကြားသွားတာပါပဲ။အဲ့ဒီဆုံးဖြတ်ချက်ဟာ
အရေးအကြီးဆုံးနေရာမှာ တကယ်သုံးတတ်မှ ရမှာ ဖြစ်ပါတယ်။

မှတ်သား မိသလောက်လေးတင်ပြချင်ပါတယ်။ ဖြစ်ပျက် ရှူမှတ်လို့  ငြီးငွေ့ တဲ့ဥာဏ်ရပြီးရင်
ဘ၀င်ထဲမှာ အေးခနဲ့ဖြစ်ပါတယ်။ အဲ့လိုဘ၀င်ကျ ပြီး အေးခနဲ့ဖြစ်သွားတဲ့အခါ မှာ
ဒါဟာ ဒုက္ခ သစ္စာပဲလို့ ဆုံးဖြတ်ချက်ချနိုင်ရင် ဖြစ်ပျက်တွေ ဆုံးသွားမယ်။ခန္ဓာ ကိုယ်က ပေါ့သွားမယ်။
ဒါက ဆရာဘုန်းဘုရားဖြစ်တဲ့ ဓမ္မရံသီ ဆရာတော် ရဲ့ တရားကို ပထမဦးဆုံး နာကြားခဲ့ရတာလေးပါ။
**အဖုံးနှစ်ချပ် ဖွင့်မှ နိဗ္ဗာန်ရ** ဆိုတဲ့ တရားတော်ကို ပထမဦးဆုံးနာကြားခဲ့ရတာဖြစ်သလို ခုချိန်ထိ
အဲ့ဒီ တရားသံကိုနှလုံးသားမှာ စွဲစွဲမြဲမြဲ မှတ်သားမိဆဲပါပဲ။ ဘာလို့ လဲ ဆိုတော့ ဘ၀င်ထဲမှာအေးခနဲ့
ဖြစ်တာနဲ့ ဒါဟာ ဒုက္ခ သစ္စာ ပဲလို့ ပိုင်ပိုင်နိုင်နိုင်ဆုံးဖြတ်နိုင်ဖို့ အတွက် မှတ်သားထားတာပါ။


အဲ့ဒီမှာ ဘ၀င်ကျသွားတဲ့အချိန်။ ရင်ထဲမှာ အေးခနဲဖြစ်တဲ့အချိန်မှာ အေးခနဲ့ နေလို့ ကောင်းလိုက်တာလို့ 
အတွေးဝင်သွားရင် လောဘစိတ်ဝင်သွားတာပါ။ကိုယ့် ဥာဏ်က ဆုံးဖြတ်ချက်မှားတာဖြစ်တဲ့အတွက်ကြောင့်
တရားလမ်းကြောင်းက ဖြစ်ပျက် အဆုံးမဖြစ်တော့ပါဘူး။ကိလေသာ ကြားခိုသွားတာ ဖြစ်တယ်။
နောက် ထပ်ဖြစ်တတ်တာက ဘ၀င်ထဲမှာအေးခနဲ့ဖြစ်သွားချိန်မှာ အံ့သြသွားတဲ့စိတ်ပါ။
တကြိမ်မှ မဖြစ်ဖူးတာကိုဖြစ်လိုက်ရတော့ အံ့သြတဲ့စိတ်ဝင်တတ်ပါတယ်။ ဒါမျိုးဖြစ်ဖို့ ဆိုတာကလဲ
ဝိပဿနာ ဥာဏ်အားကောင်းတဲ့သူမှ ဖြစ်တာပါ။ဥာဏ်အားကောင်းပြီး ဘ၀င်ကျတဲ့အချိန် ထူးဆန်းတဲ့ခံစားမှူ
ကြောင့် အံ့သြသွားတတ်ပါတယ်။ အဲ့ဒါ မောဟ ၀င်တာပါ။ မောဟ ဆိုတာ ကိလေသာပါပဲ။
ကိလေသာကြားခိုသွားတော့ နိဗ္ဗာန် နဲ့ လွဲနေပါသေးတယ်။

တကယ်တမ်းကျတော့ ဖြစ်ပျက်ကိုငြီးငွေ့ တဲ့ဥာဏ် လို့ ခေါ်တဲ့ စာသုံး စကားလုံးနဲ့ပြောရရင်
နိဗ္ဗိန္ဒ ဥာဏ်  အဲ့ဒီဥာဏ် နဲ့ မဂ်ဥာဏ်(လောကုတ္တရာ မဂ်ဥာဏ်ကိုပြောတာပါ) ဆိုတာ
ကပ်နေတာပါ။ဘယ်လောက်ပဲ ကပ်နေနေ ကူးတတ်မှ ရောက်ပါတယ်။ မကူးတတ်ရင် မရောက်ပါဘူး။
ကူးပုံကူးနည်းလေး တတ်မှ ကူးတတ်မှာဖြစ်ပါတယ်။ကူးတတ်ရင်တော့ မဂ်ဥာဏ်ရ ရမှာပေါ့။

အရိယာ ဖြစ်ချင်တဲ့သူဆိုတာ ဖြစ်ပျက်ဆုံးအောင်ရှူရမှာပါ။ ဖြစ်ပျက်ဆုံးမှ နိဗ္ဗာန် ရမှာ ဖြစ်ပါတယ်။
ဘ၀င်ထဲမှာ အေးခနဲ ဖြစ်သွားတဲ့အချိန် ဥာဏ်က ထက်ထက်မြက်မြက် နဲ့ ဒါဟာ ဒုက္ခ သစ္စာပဲလုိ့
ယတိပြတ်များဆုံးဖြတ်နိုင်ခဲ့မယ်ဆိုရင် ခန္ဓာ ကိုယ်က ပေါ့သွားမှာဖြစ်ပြီူး။ ငါ ဟာ သောတာပန်တည်ပြီလို့ 
စိတ်ချလက်ချ မှတ်ယူလို့ ရပါပြီ။

အဲ့တော့ တတိယမြောက် သမီးတော်က ဘာလဲလို့ မေးချင်တဲ့သူများက ရှိပါလိမ့်မယ်။
တတိယမြောက်သမီးတော်က ဘာမှ မဟုတ်ပါဘူး။
တရားတော်တွေ ကိုစိတ်ဝင်စားလွန်းလို့  ဆရာသမားတွေ သွန်သင်ဆုံးမ သမျှ ကို လေးလေးစားစား
လေ့လာမှတ်သားခဲ့လို့  ခုလိုပြန်လည် မျှဝေနိုင်တာပါ။တတိယမြောက်သမီးတော်မှာ  လည်း
ကိလေသာတွေမှ အတုံးလိုက်အတစ်လိုက် အပြည့်ကြီး ရှိနေပါသေးတယ်။

တကယ်လေ့ လာချင်သူများက သွားရောက်သင်ကြားခြင်းပြုပါလို့တိုက်တွန်းချင်တာပါ။
ဆရာကောင်းသမားကောင်းဆိုတာ ပရိယတ် နဲ့ ပဋိပတ် ကို ပိုင်ပိုင်နိင်နိုင် ကျွမ်းကျင်စွာ ဟောနိုင်ပြောနိုင်မှ
ဆရာကောင်းသမားကောင်းလို့ ဆိုအပ်ပါတယ်။ ပဋိပတ် ကို မပိုင်နိုင်သေးရင် သစ္စာ ဥာဏ်ရောက်တရား
တွေကို တိတိကျကျ ရဲရဲ ၀ံ့ဝံ့ ဟောပြောနိုင်စွမ်း မရှိပါဘူး။ သူလေ့လာထားတာလေးကိုတော့ ဖြစ်နိုင်ခြေနဲ့
ဟောရတာပေါ့။

သမီးတော်ရဲ့ ဆရားသမားတို့ ယုံယုံကြည်ကြည်နဲ့ ညွှန်းဆို ဟောပြောတာက မိုးကုတ်ဆရာတော်ဘုရား
ကြီးရဲ့ ဥပနိဿယ နဲ့  ရဲရဲဝံ့ဝံ့ ဟောပြောတာမို့ လို့ သမီးတော်ကလည်း ဆရာကောင်းတပည့်ပီပီ ရဲရဲဝံ့ဝံ့
ထပ်ဆင့်မျှဝေနိုင်ခြင်းပဲဖြစ်ပါတယ်။

ဆရာကောင်းသမားကောင်း ကိုမှီဝဲ ဆည်းကပ်ပြီး  ဤဘ၀ ဤခန္ဓာဖြင့် နိဗ္ဗာန် ကိုမျက်မှောက်
ပြုနိုင်ကြပါစေ

*****တတိယမြောက်သမီးတော်*****

2 comment:

အလွမ်းမြို့ said...

သမီးတော်ရေ အတွေ့ကြုံလေးတွေ မျှဝေလို့ ကျေးဇူးတင်တယ်။
ခုလို သိထားရတော့ ပိုအကျိုးရှိသွားတာပေါ့။
အသိတစ်ခုလည်း ဝင်သွားတာပေါ့..

စံပယ်ချို said...

အသိလေးတွေ မျှပေးတာကိုပဲကျေးဇူးပါရှင်..............