ဗုဒ္ဓမြတ်စွာ သာသနာ ရောင်ဝါနေသို့ လင်းပါစေ
Related Posts Plugin for WordPress, Blogger...

Posted on: Thursday, November 28, 2013

ပူဇော်ဝန္တ ဂါရ၀




၂၀၀၃ ခုနှစ် ဇူလိုင်လ (၂၉)ရက်နေ့ မှ သြဂုတ်လ(၆)ရက်နေ့ထိ  (၉)ရက်တာ အချိန်ကာလ
  မိုးကုတ်မြို့  ဓမ္မရံသီရိပ်သာ ကျောင်းတိုက်ကြီးတွင်သစ္စားလေးပါးတရားတော်များကို
 နာယူမှတ်သားကျင့်ကြံ အားထုတ်ခွင့်ရခဲ့ပါသည်။

Posted on: Monday, November 25, 2013

ငရဲ နဲ့ နိဗ္ဗာန် ဘယ်ကိုသွားမလဲ

ငရဲ နဲ့ နိဗ္ဗာန် ဘယ်ကိုသွားမလဲမေးရင် နိဗ္ဗာန် သွားမယ်လို့ဖြေတတ်ကြပေမယ့်
တစ်ရက်တစ်ရက်မှာ နိဗ္ဗာန် သွားတဲ့အလုပ် ကိုဘယ်လောက်လုပ်ကြသလဲ လို့ မေးရင်
ဘယ်သူမှ သဲသဲကွဲကွဲ မဖြေနိုင်ကြပါဘူး။

Posted on: Saturday, November 23, 2013

အထူးအစီအစဉ်(၁၀) ၀ိပဿနာ ဆက်လက် အားထုတ်ပါ

ဝိပဿနာ ညစ်ညူးကြောင်းတရား(၁၀)ပါး ရှိသည်။
၁။ သြဘာသ=ကိုယ်ရောင် ကိုယ်ဝါ အရောင်အလင်းများ။
၂။ ။ပီတိ= နှစ်သက်မှူများ။
၃။ ။ပဿဒ္ဓိ =ကိုယ်စိတ်နှစ်ပါး ငြိမ်းအေးမှူများ။

Posted on: Thursday, November 21, 2013

အထူး အစီအစဉ်(၉) ၀ိပဿနာ အားထုတ်ခြင်း

ဝိပဿနာ အားထုတ်ခြင်းသည် ပုထုဇဉ်နယ်မှ အရိယာ နယ်သို့ တက်လှမ်းခြင်းဖြစ်သည်။

တက်လှမ်းရခြင်းအကြောင်းရင်းမှာ ပုထုဇဉ်တို့၏ သေခြင်းသည် ဂတိ မမြဲခြင်း။
အရိယာတို့၏ သေခြင်းသည် ဂတိမြဲခြင်း။ ပုထုဇဉ်တို့၏ သံသရာသည် အဆုံးမရှိခြင်း။
အရိယာ တို့ ၏ သံသရာသည် နိဗ္ဗာန်`၌ အဆုံးရှိခြင်း ။ စသည့် နှိုင်းယှဉ်၍ မရလောက်အောင်
ကျေးဇူးကြီးမားခြင်းကြောင့် အရိယာနယ်သို့ တက်လှမ်းနိုင်ရန် ကြိုးစားအားထုတ်ကြခြင်းဖြစ်သည်။

Posted on: Wednesday, November 20, 2013

အထူးအစီအစဉ်(၈) နိဝရဏ ငါးဖြာ ဖယ်ရှူပါ


ကုသိုလ် ရရုံလောက် လူအထင်ကြီးခံရရုံလောက် တရားအားထုတ်သူများအတွက်  ဤကဲ့သို့သော
တရားတော်များသည် မလိုအပ်ပေ။


Posted on: Tuesday, November 19, 2013

အထူးအစီအစဉ်(၇) အဓိပတိ(၃)ပါး လက်ကိုင်ထား

ဟုတ်မှန်သောစကားသည် အကျိုးရှိ လျှင် ပြောသည့်သူက ပြောရမည်။ နာယူသည့်သူကလည်းနာယူရမည်။
ကြမ်းတမ်းသောစကားဖြစ်ပါစေ နုးညံသောစကားဖြစ်ပါစေ မည်သည့်စကားကိုမဆို ပြောရမည်ဖြစ်ပြီး နာယူ
သူကလည်းကြမ်းတမ်းသည် နုးညံ့သည် မခွဲခြားပဲ နာယူမှတ်သားရမည်။

လောက တွင်လူမြင်သူမြင်ကောင်းအောင် ကြားကောင်းအောင် အထင်ကြီးအောင် မိတ် မပျက်အောင်
ဆွေ မပျက်အောင် စသည်ဖြင့် ဟန်ဆောင် ပန်ဆောင်  အပေါ်ယံရွှေမှူန်ကြဲကာ ပြောဆိုဆက်ဆံတတ်ကြ
သည်။

ထိုနည်းတူစွာ မိမိခန္ဓာတွင် ကိလေသာရှိသည်ကိုလူသိမည်စိုးရိမ်ပြီးဟန်ဆောင်ပန်ဆောင်ဖုံးကွယ် နေတတ်
ကြသည်။လူအထင်ကြီးအောင် လုပ်ပြတတ်ကြသည်။စောင့်စည်းထိမ်းသိမ်းဟန် သီလရှိဟန် သမာဓိရှိဟန်
ဆောင်တတ်ကြသည်။

ဝိပဿနာ   အားထုတ်သူများသည်လည်း ကိလေသာထကြွခြင်းဖြစ်ကြမည်ပင်။ ထိုရောအခါ အဓိပတိ(၃)ပါးဖြင့်
သီလ သမာဓိ ပညာကိုမြှင့်တင်ကြရမည်။
 ၁။ ။အတ္တာ ဓိပတိ           =မိမိ ကိုယ်ကို အကြီးအမှူးထားခြင်း။
၂။ ။လောကာ ဓိပတိ       =ပတ်ဝန်းကျင်ကိုအကြီးအမှူးထားခြင်း။
၃။ ။ဓမ္မာ ဓိပတိ               =တရားတော်ကို အကြီးအမှူးထားခြင်း။
 

ဝိပဿနာ အားထုတ်ရင်းပျင်းရိသည့်စိတ်ဝင်လာလျှင်  သားရေး သမီးရေး သံသရာရှည်ဖို့အရေး မှာဖြင့် အားကြိုး
မာန်တက် ကြိုးစားပြီး သံသရာမှ လွတ်မြောက်ရေး ခန္ဓာ့ ဒုက္ခ မှ ငြိမ်းအေးရေးကိုတော့ဖြင့် ပျင်းနေလိုက်တာ
နင် ဒီလိုပျင်းရိနေခြင်းက သံသရာထဲ ကျင်လည်နေချင်သေးလို့ လား  ခန္ဓာ့ ဒုက္ခ ခံချင်သေးလို့လား စသည်ဖြင့်
မိမိကိုမိမိ အကြီးအမှူးထား၍ ဆုံးမပါ။မိမိ စိတ်ကိုမြှင့်တင်ပါ။ ပြုပြင်ပါ။ထိုနည်းသည် အတ္တာဓိပတိ ဖြစ်သည်။
မိမိ လိုချင်သည့်တရားထူးတရားမြတ်ရအောင် ရည်မှန်းချက်ထားပြီး မပျင်းမရိကြိုးစားအားထုတ်ပါ။
ဝီရိယ လျော့လာတိုင်း အတ္တာ ဓိပတိ ဖြင့် မိမိကိုယ်ကို အကောင်းဆုံးဖြစ်အောင် ပြု ပြင် စီရင်ပါ။

ဝိပဿနာ  အားထုတ်နေသည်ကို တွေ့ လျှင် လူတို့ သည်၎င်း။နတ်တို့သည်၎င်း။အရိယာသူတော်ကောင်းတို့
သည်၎င်း။တရားနည်းလမ်းသင်ကြားပို့ချသောဆရာသမားတို့ သည်၎င်း။  သာဓု ခေါ်ကြသည်။
ထို့ သို့ ပတ်ဝန်းကျင်မှ သာဓုခေါ်ဆိုကြပါလျှက် လူနတ်တို့  လက်အုပ်ချီမိုး ပူဇော်မှူပြုကြပါလျှက်
မိမိက ဖြစ်ပျက် သော်မှ မမြင်ပဲတွေးချင်ရာတွေးနေမည် ဆိုလျှင်ရှက်ဖွယ် ကောင်းလှပါသည်။
လူကတော့ ငုတ်တုတ်ထိုင်နေသဖြင့် ကာယဣနြေ္ဒ  ၀စီဣနြေ္ဒ ငြိမ်သက်ကာ တရားမှတ်နေသည် ဟု ပတ်ဝန်းကျင်က မြင်သော်လည်း မနှော `၌မူ ဗွက်ပေါက် မတတ် တွေးနေခြင်းသည်ပတ်ဝန်းကျင်ကို
ဟန်ဆောင်နေခြင်း လိမ်ညာနေခြင်းသာဖြစ်သည်။အဘိညာည်ရသောအရိယာသူတော်ကောင်းတို့ က
မိမိ စိတ်ကိုသိနေသည်ကိုမမေ့ထားလိုက်ပါနှင့်။ လူအထင်ကြီးအောင် ဟန်ဆောင်နေမိပါလား။
နတ်တွေအထင်ကြီးအောင် ဟန်ဆောင်နေမိပါလားဟု လောကာဓိပတိ ဖြင့်  မိမိကိုယ်ကို မြှင့်တင်လိုက်ပါ။
ပြု ပြင် စီရင်လိုက်ပါ။ ဆုံးမလိုက်ပါ။

ဖြစ်ပျက် ကိုမြင်အောင် ရှူမည်။ ဖြစ်ပျက် အမြင်စိပ်လျှင် ရင်ထဲအေးပြီး နိဗ္ဗာန် ရမည်ကို တွေးသိပြီး တရားရှူ
မှတ်ခြင်းဖြင့် ဓမ္မာ ဓိပတိ လက်ကိုင်ထားကာ ကြိုးစားအားထုတ်ကြရမည်။

ဤသို့နည်းဖြင့် အကြီးအမှူးအရာထားတတ်ခြင်းသည် နိဗ္ဗာန်ရောက်ရန် အထောက်အပံ့ကောင်းဖြစ်သည်ကို
တရားချစ်ခင် သူတော်စင်တို့ မမေ့ မလျော့ မှတ်သား လိုက်နာရန် လိုအပ်လှပါသည်။

*****တတိယမြောက်သမီးတော်*****

Posted on: Monday, November 18, 2013

အထူးအစီအစဉ်(၆) လေးပါးသောတရား မှ ခုနှစ်ပါးသောတရား

တစ်ပါးသော အာနာပါန ကမ္မဌါန်းကိုပွားများခြင်းကြောင့် လေးပါးသော သတိပဌါန်တရားတို့နှင့်ပြည့်စုံ၏။

လေးပါးသောတရားကိုပွားများခြင်းသည် ခုနှစ်ပါးသော တရားနှင့်ပြည့်စုံ၏။

ခုနှစ်ပါးသောတရားဟူသည် ဗောဇ္ဈင်(၇)ပါး ဖြစ်သည်။ ဗောဇ္ဈင် ဆိုသည်မှာ သစ္စာသိသောအကြောင်းတရား
ကို ဗောဇ္ဈင်ဟုခေါ်သည်။

 အာနာပါန ကမ္မဌါန်းကိုရူမှတ်ပွားများရာတွင် သတိနှင့်စောင့်ကြည့်ရ၏။ရုပ်သော်၎င်း။ နာမ်သော်၎င်းး
ပေါ်လာသည့် ဓမ္မ ကိုသတိ ဖြင့်  သိနေခြင်းသည် သတိသမ္ဗောဇ္ဈင်ဖြစ်၏။
သတိဖြင့် ဆင်ခြင်သိမှတ်နေခြင်းသည် သတိ သမ္ဗောဇ္ဈင် နှင့် ပြည့်စုံနေခြင်း ဖြစ်၏။

သတိဖြင့် သိမှတ်နေခြင်းတွင်ရုပ်ပဲ  နာမ်ပဲ  အကြောင်းကြောင့် အကျိုးဖြစ်နေခြင်းပဲ ဟု ခွဲခြားဆင်ခြင်နိုင်ခြင်း
သည် ပညာ၏ သဘောဖြစ်သည်။ထိုသို့  ပညာ ဖြင့် ဆင်ခြင်နိုင်ခြင်းသည် ဓမ္မ၀ိစယသမ္ဗောဇ္ဈင် နှင့်ပြည့်စုံ
နေခြင်းဖြစ်သည်။

ပေါ်လာသမျှ ရုပ်နာမ်ဓမ္မ တို့ကိုသတိဖြင့် တရစပ် ရှူမှတ်စောင့်ကြည့်အားထုတ် ခြင်းသည်
 ၀ီရိယ သမ္ဗောဇ္ဈင်နှင့် ပြည့်စုံနေခြင်းဖြစ်သည်။

ကြိုးစားအားထုတ်လို့  အဖြစ်ကိုအဖြစ်မှန်းသိနေခြင်း အပျက်ကို အပျက်မှန်းသိနေခြင်း အကြောင်းအကျိုးကို
ဥာဏ်ဖြင့် ရှင်းလင်းစွာသိခြင်း တို့ ဖြင့် ဥာဏ်ရည်တိုးတက်လာခြင်းတွင် သူတော်ကောင်းတို့ သဏ္ဍာန် `၌
ပီတိ ဖြစ်ရပါသည်။ ခန္ဓာရဲ့ သဘောဟာ ဒီလိုပါလားဟု အသိဥာဏ်တိုးတက် သိရှိရခြင်းကြောင့်။ ဓမ္မကို
ယုံကြည်မြတ်နိုးခြင်းကြောင့်  ပီတိ စိတ်သည် ဖြစ်ပေါ်၏။ထို့ ကြောင့် ပီတိသမ္ဗောဇ္ဈင် နှင့် ပြည့်စုံနေခြင်း
ဖြစ်သည်။

အဖြစ် အပျက် အကြောင်းအကျိုးတို့ ကို သိမှတ် ဆင်ခြင်နေသူသည် ကိလေသာဝင်လာခြင်းမရှိသည့်အတွက်
ကိုယ်ရောစိတ်ပါ အေးချမ်းနေသည်။ယင်းကဲ့သို့  အေးချမ်းငြိမ်သက်ခြင်းသည် ပဿဒ္ဓိ သမ္ဗောဇ္ဈင် နှင့် ပြည့်စုံခြင်း
ဖြစ်သည်။

ခန္ဓာ၏ သဘောကိုရှူမှတ်ဆင်ခြင်နေခြင်းကြောင့် ကိလေသာငြိမ်းအေးပြီးစိတ်အေးချမ်းသာရှိနေသူသည်
တည်ကြည်ခြင်းရှိ၏။ ထို့ သို့ တည်ကြည်ခြင်းသည် သမာဓိ သမ္ဗောဇ္ဈင် နှင့် ပြည့်စုံနေခြင်းဖြစ်သည်။

သတိ။ပညာ။ဝိရီယ တို့ ဖြင့် ရှူမှတ်နေသူသည် ပီတိ ပဿဒ္ဒိ     စသည်ဖြင့် စိတ်တွင်ဖြစ်ပေါ်နေသော်လည်း
ချမ်းသာခြင်းသုခကို ခံစားလိုသည့် စိတ်မျိုး မရှိပဲ ရုပ်၏သဘော နာမ်၏ သဘောဖြစ်မှူပျက်မှူတွင်သာ
အာရုံစူးစိုက် ရှူမှတ်နေခြင်းကြောင့်  လျစ်လှူရှူလျက် နေသည် ဖြစ်၏။ ထိုသို့ လျစ်လျူ  ရှူနေခြင်းသည်
ဥပေက္ခာသမ္ဗောဇ္ဈင် နှင့်ပြည့်စုံနေခြင်းပင် ဖြစ်သည်။

တစ်ပါးသော အာနာပါန ကမ္မဌာန်း စီးဖြန်းခြင်းသည် လေးပါးသော သတိပဌာန် တရားကိုပွားများခြင်းဖြစ်ပြီး
ထိုလေးပါးသော သတိပဌာန် တရားကို ပွားများခြင်းသည် ခုနှစ်ပါးသော ဗောဇ္ဈင် တရားတို့ ကို စီးဖြန်းရာ
ရောက်သောကြောင့် သစ္စာ(အမှန်တရား=ဟုတ်တိုင်းမှန်ရာ)ကို သိစေအပ်ပါသည်။ဥာဏ်အလင်းကို ပွင့်လင်း စေခဲ့ပါသည်။ထိုဥာဏ် အလင်းသည်

ဟုတ်တိုင်းမှန်ရာကိုသိခြင်းတည်း ဟူသောခန္ဓာတို့၏ ဖြစ်မှူပျက်မှူ မမြဲခြင်း ဒုက္ခသစ္စာကိုသိခြင်းသည်၎င်း။
ဒုက္ခသစ္စာ ကိုဖြစ်စေသော သမုဒယသစ္စာ ကိုသိခြင်းသည်၎င်း။သမုဒယသစ္စာကို ပယ်သတ်ဖယ်ရှားသည့်
မဂ္ဂသစ္စာကိုသိခြင်းသည်၎င်း။သမုဒယ တို့၏ ငြိမ်းရာချုပ်ရာ နိရောဓ သစ္စာ ကိုသိခြင်းသည်၎င်း
သိသင့်သည့်တရားကို သိခြင်းဖြစ်သည့်အတွက် ၀ိဇ္ဇာမည်၏။ဝိဇ္ဇာဥာဏ်အလင်းပေါက်သဖြင့်  ၀ိမုတ္တိခေါ်
လွတ်မြောက်မှူ နိဗ္ဗာန် စခန်းသို့ ပေါက်ရောက်ကြရမည်ဖြစ်သည်။ဤသို့ဖြင့် နှစ်ပါးသော တရားတို့နှင့်
ပြည့်စုံလေသည်။

သိသင့်သောတရားတို့ကို သိ၍ သတိပဌာန်လေးပါးဖြင့်အားထုတ်ကျင့်ကြံနိုင်ကြပြီး ဗောဇ္ဈင် ခုနှစ်ပါးနှင့်
ပြည့်စုံကြကာ နှစ်ပါးသော တရားတို့ ဖြင့် နိဗ္ဗာန် စခန်း တက်လှမ်းနိုင်ကြပါသည်။

သိသင့်သောတရားကိုသိခြင်းသည် ၀ိဇ္ဇာ
သိပြီးမှ ကျင့်ခြင်းသည် စရဏ
 ပြည့်စုံခြင်းသည်  သမ္ပန္န
ဝိဇ္ဇာ စရဏ သမ္ပန္နော ဟူသော မြတ်စွာဘုရားရှင်၏ ဂုဏ်တော်ကို
ဥာဏ်တော်ဖြင့် အမြင့်မြတ်ဆုံးပူဇော်ခြင်းဖြင့် ပူဇော်နိုင်ကြပါစေ

*****တတိယမြောက်သမီးတော်*****

Posted on: Sunday, November 17, 2013

အထူးအစီအစဉ်(၅) တစ်ပါးသော တရား မှ လေးပါးသောတရား

အာနာပါန ကမ္မဌါန်းကိုပွားများခြင်းသည် ကာယာနုပဿနာသတိပဌါန်ဖြင့် ၀ိပဿနာရှူပွားခြင်းဖြစ်သည်။
နှာသီးဖျားမှ ၀င်လေ ထွက်လေ ဖြစ်ခြင်း ပျက်ခြင်းကို သတိဖြင့် ရှူမှတ်ရသည့် နည်းဖြစ်သည်။
နှာသီးဖျားသည် ရုပ်  ။ လေသည်ရုပ်ဖြစ်သည်။ရုပ်နှစ်ခု၏ ထိတွေ့မှူတွင်တိုးဝင် တိုးထွက်သည့်သဘောသည်
ဖြစ်၏။ထိုတိုးဝင် တိုးထွက် သည့် သဘောလေးသည် ဖြစ်ပြီးခဏ`၌ ပျက်စီး၏။ထို့သို့ ဖြစ်သည့်သဘောနှင့်
ပျက်သည့်သဘောကို ဥာဏ်ဖြင့်စောင့်ကြည့်သိရှိနေခြင်းသည် နာမ်၏ သဘောဖြစ်၏။

ရုပ်ကို  ကာယ ဟုခေါ်၏။နာမ်ကို စိတ် ဟု ခေါ်၏။

ရုပ်နှစ်ခုထိတွေ့ မှူကြောင့် တိုးဝင်တိုးထွက်သည့်သဘောလေး ဖြစ်ခြင်း ပျက်ခြင်း ကိုစောင့်ကြည့်
အကဲခတ်ခြင်းသည် ကာယာနုပဿနာ သတိပဌါန်ဖြစ်သည်။

ရုပ်ဓမ္မ တို့ ဖြစ်ခြင်း ပျက်ခြင်းကိုစောင့်ကြည့်သိရှိနေခြင်းသည် စိတ်ဖြင့် သိခြင်းဖြစ်၏။
ရုပ်ဓမ္မ တစ်ကြိမ်ဖြစ်လျှင် အဖြစ်ကိုသိသည့်စိတ်သည်တစ်စိတ်။ ရုပ်ဓမ္မ ပျက်သည်ကိုသိလျှင် အပျက်ကို
သိသည့်စိတ်သည်တစ်စိတ်။အဖြစ်သိသည့်စိတ် သည် ရုပ်ဓမ္မ ပျက်ချိန်`၌ ပျက်၏။ ရုပ်ဓမ္မ ပျက်ချိန်`၌
အဖြစ်ကိုသိသည့်စိတ်ပျက်၍ အပျက် ကိုသိသည့် စိတ်ဖြစ်၏။ရုပ်ဓမ္မထပ်ဖြစ်ချိန်`၌ အပျက် ကိုသိသည့်စိတ်
သည် ပျက်၏။ဤ ကဲ့သို့ စိတ်သည်တစ်စိတ်ဖြစ်လိုက် တစ်စိတ်ပျက်လိုက်ဖြစ်နေသည်ကို သူတော်ကောင်း
တို့ ဥာဏ်ဖြင့် သိမှတ်နိုင်ပါလျှင် စိတ်ကိုရှူမှတ်ခြင်းဖြစ်သဖြင့် စိတ္တာနုပဿနာ သတိပဌါန်ဖြစ်သည်။

တနည်း။ ။နှာသီးဖျားမှ ၀င်လေ ထွက်လေကိုရူရှိုက် ရှူမှတ်နေချိန်တွင် မွှေးသောအနံကိုရ၏။ မွှေးသောရနံ
ကိုဝင်လေ ရူမိလျှင်နှစ်သက်မိသောကြောင့် ထပ်မံ ရူချင်စိတ်ဖြစ်လာသဖြင့်  စိတ်သည် လောဘ စိတ်ဖြစ်၏။
ရူသည့် ခဏ ရူစိတ်ကုန်၍ ထွက်လေစထွက်သောအခါ လောဘစိတ်ပျက်စီး၏။ဤနည်းဖြင့် လောဘ
စိတ်သည်ဖြစ်ပြီးပျက်၏။ထပ်ရူလျှင်မွှေးသောရနံကိုထပ်ရပါက ထပ်ပြီးလောဘ စိတ်ဖြစ်ပြန်၏။
ထွက်လေ စ ထုတ်သည့်အခါ  လောဘစိတ်သည်ပျက်၏။ နံသောရနံ နှစ်လိုဖွယ် မကောင်းသောရနံကို
ဝင်လေ ရူမိသောအခါ ဒေါသစိတ်သည် ဖြစ်၏။ ထိုဒေါသစိတ်သည် ထွက်လေစထွက်ချိန်`၌ ပျက်၏။
ဤနည်းဖြင့် စိတ်သည် ဖြစ်လိုက် ပျက်လိုက် ဖြစ်နေသည်ကို ဥာဏ်ဖြင့်ရှူမှတ်သဖြင့် စိတ္တာနုပဿနာ သတိ
ပဌါန်ဖြစ်သည်။

မွှေးသောရနံကိုရူရှိုက်မိသဖြင့် စိတ်တွင် ကျေနပ်နှစ်သက်သောကြောင့် သုခ ဝေဒနာဖြစ်၏။
သုခဝေဒနာသည် ရူသည့်အခိုက်ဖြစ်၏။ထွက်လေစ ထွက်သည်နှင့် သုခဝေဒနာသည် ပျက်၏။
နောက်တစ်ကြိမ် ရူသည့်အခါ သုခ ဝေဒနာသည်ဖြစ်၏။နံသောရနံကိုရူရှိုက်မိသည့်အခါ စိတ်တွင် မရူချင်ပဲ
ရူရသောကြောင့် ဒုက္ခဝေဒနာဖြစ်၏။ထွက်လေ စထွက်သောအခါ ဒုက္ခ ဝေဒနာပျက်၏။
ဤနည်းဖြင့် သုခ ဝေဒနာသည်၎င်း။ဒုက္ခ ဝေဒနာသည်၎င်း။ တစ်ကြိမ်ပြီးတစ်ကြိမ် ဖြစ်လိုက် ပျက်လိုက်
 ဖြစ်နေသည်ကို ဥာဏ်ဖြင့်ရှူမှတ်ခြင်းသည် ဝေဒနာ နုပဿနာ သတိပဌါန်ဖြစ်သည်။

ရုပ်ဓမ္မသည်၎င်း။ နာမ်ဓမ္မသည် ၎င်း ဖြစ်လာသမျှ ပျက် သွားခြင်းကို ဥာဏ်ဖြင့်သိနေခြင်းသည်
ဓမ္မာနုပဿနာ သတိပဌါန်ဖြစ်သည်။

တစ်ပါးသောတရားကိုရှုမှတ်ခြင်းဖြင့်လေးပါးသောတရားနှင့်ပြည့်စုံခြင်းဖြစ်၏။

ဝိပဿနာ ရှုမှတ်သူသည် မိမိ ရှူမှတ်သည့် မူလကမ္မဌါန်းမှ ကြားထိုးဖြစ်ပေါ်သော ဓမ္မ ကို ရှူမှတ်တတ်ရမည်။
ဖြစ်သမျှ ဓမ္မသည် ပျက်သည်ကိုဥာဏ်ဖြင့်သိမှတ်ရမည်။ အာယတန (၆)ပါးမှ လာသော မြင်စိတ် ကြားစိတ်
နံစိတ် စားစိတ် တွေ့ထိစိတ် ကြံတွေးစိတ် တို့  ဖြစ်ပေါ်သမျှ ဥာဏ်ဖြင့် ဖြစ်ဓမ္မမှန်းသိပြီး ဖြစ်ဓမ္မ ပျက်သည်
ကိုစောင့်ကြည့်အကဲခတ်၍ ပျက်ဓမ္မ ကိုမြင်အောင်ကြည့်ကာ ကြားထိုးဖြစ်ပေါ်သည့် ဓမ္မလေး ဆက်လက်
မဖြစ်တော့သောအခါ မူလ ကမ္မဌါန်းကိုအာရုံပြန်ထားပြီး စူးစိုက်ရှူမှတ်ခြင်းဖြင့်မိမိ၏ ၀ိပဿနာ ဥာဏ်အားကို
ပွားများရပါမည်။

ဝိပဿနာ ဥာဏ်အားကောင်းလာသည်နှင့်အမျှ စိတ်အစဉ်သည် ကြည်လင်လာသောကြောင့် ခန္ဓာ ၏
သဘောကို သိသာထင်ရှားစွာမြင်သိလာမည်ဖြစ်သည်။

ခန္ဓာကိုယ်ကို ငါကောင်သူကောင်ဟု ထင်မြင်နေခြင်းမှ ရုပ်တို့၏ သဘော နာမ်တို့၏ သဘောသာရှိသည်ကို
သိမြင်လာ၏။ထို သို့ သိမြင်လာခြင်းသည် ဟုတ်တိုင်းမှန်ရာကိုသိသောဥာဏ်=ယထာဘူတ ဥာဏ်ကိုရခြင်း
ဖြစ်သည်။

ယထာဘူတ ဥာဏ်သည် ရုပ် ရုပ်ချင်းတိုးထိခြင်း အကြောင်း တရားကြောင့်  တိုးထိသည့် သဘော အကျိုး
တရားရခြင်းကိုသိ၏။အကြောင်းကြောင့်အကျိုးဖြစ်သည်ကိုသိ၏။အကြောင်းသည် ပဋိစ။အကျိုးသည်သမုပ္ပဒ်။
ဖြစ်သည်။ရုပ်နှင့် နာမ်တို့သာ ရှိပြီး ရုပ်တို့ ၏သဘော နာမ်တို့၏သဘောသာဖြစ်သည်ကိုသိ၏။
ရုပ်နာမ်တို့၏ သဘောသည် ဖြစ်ပြီးလျှင် ပျက်တတ်သော သဘောသာလျှင်ရှိသည်ကိုသိ၏။

အကြောင်း အကျိုးကိုသိသောဥာဏ်။ ရုပ်နာမ်ကို သိသောဥာဏ် ။ ဖြစ် ပျက် ကို မြင်သောဥာဏ်
ဥာဏ်(၃)ဥာဏ်ကိုရ၏။ဝိပဿနာ  ရူမှတ်ခြင်း၏ အကျိုးကျေးဇူး ပင် ဖြစ်သည်။

မမြဲခြင်းသဘောသည် အနိစ္စမည်၏။ ထိုမမြဲခြင်းအနိစ္စကြောင့်ဆင်းရဲခြင်းဖြစ်ကြသဖြင့်ဒုက္ခမည်၏။
ထိုဒုက္ခသည်ကိုယ်ပိုင် ကိုယ်ဆိုင်ဖြင့်ပြု၍ မရ သူသဘောနှင့်သူသာရှိသောကြောင့် အနတ္တ မည်၏။

ဤသို့လျှင် ယထာဘူတ ဥာဏ်ဖြင့် ဟုတ်တိုင်းမှန်ရာကို  လက္ခဏာရေးသုံးပါးဖြင့် ရှူဆင်ခြင်နိုင်၏။

ထို့ကြောင့် ခန္ဓာငါးပါး ရုပ်နာမ်တရားတို့၏ ဖြစ်ခြင်း  ပျက်ခြင်းတို့သည်
အနိစ္စ  မမြဲ ပါတကား
ဒုက္ခ ဆင်းရဲပါတကား
အနတ္တ ကိုယ်ပိုင်ကိုယ်ဆိုင်ဖြင့် အစိုးမရနိုင်ပါတကား...........ဟု
လက္ခဏာရေးသုံးပါးဖြင့် ရှူမှတ်ဆင်ခြင် သိမြင်ကြကာ
ဖြစ်ပျက်မြင်မုန်း ဆုံး၍
အဆုံးနိဗ္ဗာန် ရောက်နိုင်ကြပါစေ

*****တတိယမြောက်သမီးတော်*****

Posted on: Saturday, November 16, 2013

အထူးအစီအစဉ်(၄) သိရမည့် တရား ပယ်ရမည့်တရား ပွားရမည့်တရား

သဗ္ဗေ သင်္ခါရာ အနိစ္စာ တိ =အကြင် ရုပ်နာမ်သင်္ခါရ အားလုံးတို့သည် အမြဲမရှိကုန် ဟု ၀ိပဿနာ ဥာဏ်ဖြင့်
ရှူမြင်နိုင်၏။ သတ္တ၀ါ လူ ငါ ဟူသော ခန္ဓာ ငါးပါးသည် မတည်မြဲ အစဉ်ဖောက်ပြန်ပြောင်းလဲလျက် ရှိ၏။
မတည်မြဲသမျှသည် ဒုက္ခဆင်းရဲပင် ဖြစ်သည်။ဤဒုက္ခ ဆင်းရဲကို ကောင်းစွာသဘောပေါက်ရန် နားလည်ရန်
အလွန်အရေးကြီးပါသည်။  ဒုက္ခ သစ္စာ သည်  သိရမည့် တရား  ဖြစ်သည်။

အစီအစဉ်(၁) တွင် ပဋိစ္စသမုပ္ပဒ်ကို၎င်း။  ခန္ဓာ ငါးပါး ကို၎င်း။   သိမှတ်ထားရန်လိုအပ်ကြောင်း
 ဖေါ်ပြခဲ့ပြီးဖြစ်သည်။

ဒုက္ခ သစ္စာ ၏ မြစ်ဖျားခံရာသည် သမုဒယ သစ္စာ ဖြစ်သည်။လိုချင်ရချင်၍ အားထုတ်ခဲ့သော တဏှာအရင်းခံ
သင်္ခါရ တရားတို့သည် လက်ရှိတွင် ခံစားစံစားနေရသည့် ဒုက္ခကိုသာအကျိုးပေး၏။ ဒုက္ခ အကျိုးသာရသဖြင့်
ဆင်းရဲဖြစ်ကြောင်း အမှန် သမုဒယ သစ္စာမည်ခြင်းဖြစ်၏။  ထို့ ကြောင့် ဆင်းရဲခြင်းကိုအလိုမရှိကုန်သော
သူတော်ကောင်းတို့သည် ဆင်းရဲခြင်းဖြစ်ကြောင်းကို ပယ်စွန့်ရမည်။ သမုဒယ သစ္စာ သည် ပယ်ရမည့် တရား  ဖြစ်သည်။

ထို သမုဒယ သစ္စာကို   ၀ိပဿနာ ဥာဏ်ဖြင့် ပယ်သတ်ရမည်။ဝိပဿနာ သည် သတိ ပညာ ၀ီရိယ တို့၏ ပေါင်းစု
စွမ်းအားဖြစ်သဖြင့် ဝိပဿနာ ဥာဏ်  အားကြီးလာသောအခါ သမုဒယ သစ္စာ ကိုပယ်သတ်နိုင်၏။
ထိုသို့ ပယ်သတ်နိုင်အောင် နည်းလမ်းအမှန်ဖြင့် ပွားများအားထုတ်ခြင်းသည် မဂ္ဂသစ္စာမည်၏။
မဂ္ဂသစ္စာသည် ပွားရမည့်တရားဖြစ်သည်။

ဝိပဿနာ ဥာဏ်အားကြီးလာပြီး သမုဒယ သစ္စာကို ဥာဏ်ဖြင့်ပိုင်းခြားထင်ထင် ပယ်သတ် နိုင်ပါက
နိဗ္ဗာန် စံ အရိယာ ဖြစ်ပြီ ဖြစ်သည်။သမုဒယ သစ္စာ ငြိမ်းခြင်းသည် နိရောဓ သစ္စာမည်၏။
နိရောဓ သစ္စာသည် ဆိုက် ရောက်ရမည့် တရားဖြစ်သည်။

ဝိပဿနာ ရှူမှတ်သည့် သူတော်ကောင်းသည် အာရုံပျံလွှင့်မှူမရှိအောင် ၀ီရိယ ထား၍ ရှူမှတ်ရပါမည်။
ထို့ သို့ရှူမှတ်နေခြင်းသည် မဂ္ဂ သစ္စာမည်၏။မဂ္ဂ သစ္စာသည် ဖြစ်ခြင်းပျက်ခြင်းဆိုသော ဒုက္ခသစ္စာ၏သဘောကို ရှူမှတ်နေခြင်းဖြစ်၏။ ထို့ သို့ရှုမှတ်နေသောသူ၏စိတ်`၌လိုချင်ရချင် ဖြစ်ချင်သည်
 ဆိုသော ကိလေသာ သမုဒယ သစ္စာ ကင်းနေလိမ့်မည်။ထိုကဲ့သို့ သမုဒယ သစ္စာ ကင်းနေသည့် ခဏသည်နိရောဓ သစ္စာမည်၏။အပြီးတိုင်ပယ်သတ်နိုင်ခြင်းမရှိသေးသော်လည်းခဏတာ ငြိမ်းအေးခြင်း
နိဗ္ဗာန် အရသာကို ခံစားရသည်သာဖြစ်သည်။

ဒုက္ခ သစ္စာကို မဂ္ဂသစ္စာဖြင့်သိနေခြင်းကြောင့် သမုဒယသစ္စာသေပြီး နိရောဓ သစ္စာကို ဆိုက်ရောက်နေခြင်း
ပင် ဖြစ်သည်။

ထို့ ကြောင့် ၀ိပဿနာ ရှူ မှတ်ခြင်းသည် သစ္စာ လေးပါးကိုသိခြင်းမည်၏။ဤသို့သစ္စာသိခြင်းသည် အပယ်မှ
လွတ်မြောက်ကြောင်းတည်း။

ဘုရားရှိခိုးသူများသည် သစ္စာလေးပါးမြတ်တရားကို ပိုင်းခြင်းထင်ထင် သိမြင်တော်မူသော မြတ်စွာဘုရား
ဟု ဂုဏ်တော်ကိုဖေါ်ဆောင်၍ ရွတ်ဆိုကြသည်ကို ကြားဖူးကြပါလိမ့်မည်။ ထိုသစ္စာလေးပါးသည်
သိ ရမည့်တရား။ ပယ် ရမည့် တရား။ ပွားရမည့် တရား။ ဆိုက်ရမည့်တရား။ဟူသောလေးပါးသော သစ္စာကို
ဆိုခြင်းပင်ဖြစ်သည်။ဤသို့မြတ်စွာဘုရားတို့သိအပ်သော သစ္စာလေးပါးကိုသိခြင်းသည် သူတော်ကောင်းတို့ 
၏ ဘုန်းကံအားကောင်းသောကြောင့်သာဖြစ်သည်။


ခဏ နိဗ္ဗာန် မှ ထာဝရ နိဗ္ဗာန်သို့ ဆိုက်ရောက်နိုင်ကြပါစေ။

*****တတိယမြောက်သမီးတော်*****

Posted on: Friday, November 15, 2013

အထူးအစီအစဉ်(၃) ကမ္မဌါန်း အစ အာနာ ပါန

ဂင်္ဂါဝါဠု သဲစုမက ပွင့်တော်မူကြကုန်ပြီးသော ဘုရားရှင် အဆူဆူနှင့် ပစ္စေက ဗုဒ္ဓါ ဘုရားငယ် အဆူဆူ
တို့သည် အာနာပါန ကမ္မဌါန်း ကိုသာ အားထုတ်တော်မူကြပြီး ဘုရားအဖြစ် ဘုရားငယ် အဖြစ် ရောက်ရှိ
တော်မူခဲ့ကြပါသည်။ရဟန္တာ အရှင်မြတ်များနှင့် အရိယာသူတော်စင်များလည်း ဤ အာနာပါန ကမ္မဌါန်းကို
ပင် အားထုတ်တော်မူခဲ့ကြသည်။ဘုရားဖြစ်တော်မူပြီးနောက်`၌လည်းဤ အာနာပါန ကမ္မဌါန်းကိုပင်
နှလုံးသွင်းတော်မူကြပြီး အသက်ထက်ဆုံး ဈာန်သမာပတ် ၀င်စားတော်မူချိန်`၌ ရှူပွားတော်မူခဲ့ကြပါသည်။

တစ်ပါးသောတရားကိုပွားများလျှင် လေးပါးသော တရားနှင့်ပြည့်စုံမည်။
လေးပါးသောတရားကိုပွားများလျှင် ခုနှစ်ပါးသောတရားနှင့်ပြည့်စုံမည်။
ခုနှစ်ပါးသောတရားကိုပွားများလျှင် နှစ်ပါးသောတရားနှင့်ပြည့်စုံမည်။ ဟု မြတ်စွာဘုရား
ဟောတော်မူခဲ့ပါသည်။

-တစ်ပါးသောတရားဟူသည် အာနာပါန တည်း။
-လေးပါးသောတရားဟူသည် သတိပဌာန်တရား တည်း။
-ခုနှစ်ပါးသောတရားဟူသည် ဗောဇ္ဈင် တရားတည်း။
-နှစ်ပါးသောတရားဟူသည် ၀ိဇ္ဇာနှင့် ၀ိမုတ္တိတည်း။

ထို့ကြောင့် အာနာပါန ကမ္မဌာန်း တရား အားထုတ်သူများသည် အကျိုးဆက်အဖြစ်ဖြင့် သတိပဌါန်တရား
(၄)ပါးနှင့် ပြည့်စုံလာပြီး ယင်း သတိပဌါန်တရား(၄)ပါးကို အဆက်မပြတ် ကျင့်ကြံပွားများလျှင် ဗောဇ္ဈင်(၇)
ပါးနှင့်ပြည့်စုံပြီး ၀ိဇ္ဇာ ဥာဏ်အလင်း ပေါက်၍ ၀ိမုတ္တိခေါ် လွတ်မြောက်မှူနယ်ပယ် နိဗ္ဗာန် စခန်းသို့
ပေါက်ရောက်နိုင်မည် ဖြစ်ပါသည်။

အာနာပါန ကမ္မဌါန်း ပွားများရာ`၌ နှာသီးဖျား။နှာသီးဝ မှ ၀င်လေ ထွက်လေ ထိခိုက်မှူကိုသိနေရမည်။
ဝင်လေ စ ၀င်ချိန်မှ ၀င်လေဆုံးသွားချိန်ထိ နှာသီးဖျာတွင်တိုးနေသည့် သဘောလေးကို ရှူမှတ်ရမည်။
ဝင်လေ ဆုံး ၍ ထွက်လေ စထွက်ချိန်မှ ထွက်လေဆုံးသည်အထိ နှာသီးဖျားတွင် တိုးထိ တွန်းတိုက်နေသည့်
သဘောကို သိနေရမည်။ ဤနည်းဖြင့် သတိမလွတ်စေပဲ ၀ီရိယ စိုက်ထုတ်ကာ စောင့်ကြည့်နေရမည်။
ဝင်လေ ၀င်မှန်းသိ ထွက်လေ ထွက်မှန်းသိနေရမည်။

ထိုင်နည်းစနစ်မှန်ကန်သောသူသည် တာရှည်ထိုင်နိုင်သည့်အပြင် သတိအားကောင်းပြီး ကမ္မဌာန်းကို
တစိုက်မတ်မတ် ရှူမှတ်နိုင်သည်။ထိုင်နည်းစနစ် မှန်ကန်မှူမရှိပါက သတိလွတ်ပြီး ကမ္မဌာန်း ပါ
လွတ်သွားတတ်ပါသည်။အတွေးများသောသူသည် မိမိတွေးမိရာအတိုင်း ခန္ဓာကိုယ် ယိမ်းယိုင်
ပြောင်းလဲတတ်သည်။ထို့ ကြောင့် ၀ီရိယ စိုက်ထုတ်ကာ သတိထား စောင့်ကြည့်ရန် မှာကြားခြင်းဖြစ်သည်။

ပုံမှန် ရှူနေကြအတိုင်း သာ ရှူ ရှိုက်ရမည်။ တမင်တကာ လုပ်၍ မရှူရ မရှိုက်ရ။
ဝင်လေ ထွက်လေကိုသတိဖြင့် စောင့်ကြည့်ခြင်းသည် အာရုံကို ပျံ့လွင့်မှူမရှိအောင် ၀ီရိယထား ကာ
စောင့်ကြည့်နိုင်ပါက သမာဓိအားကောင်းလာမည်ဖြစ်သည်။ အာရုံစူးစိုက်မှူ မရှိပါက သမာဓိ ရမည်
မဟုတ်ပါ။

သမာဓိအားကောင်းလာပါက ၀ိပဿနာ  ပညာ ဘက်သို့ ပြောင်းလဲ ရှူမှတ်ပါ။

ဝိပဿနာ  ဟူသည် ရုပ်နာမ် အမူအရာတို့်၏ အဖြစ် အပျက်ကို သိအောင် အားထုတ်ရသည်ဟု ဆိုသော်လည်း
ကြံစည်၍ဖြစ်သည်ကို  သိခြင်း။ကြံစည်၍ ပျက်သည် ကိုသိခြင်း ဤ သို့ သိခြင်းမျိုးကို ၀ိပဿနာ  ဟု မဆိုရ။
အကြောင်းအားလျှော်စွာ မကြံစည်ပဲ ဖြစ်ပေါ်လာသည်ကို သိခြင်း ပျက်သွားသည်ကို သိခြင်း ဤသို့ သိခြင်း
မျိုးကိုသာ ၀ိပဿနာ ဟု ဆိုပါသည်။

ဝင်လေ စတိုးဝင်သည့် အချိန်သည် ၀င်လေ ဖြစ်ခြင်း ၀င်လေ ဆုံးသွားသည့်အချိန်သည် ၀င်လေ ပျက်ခြင်း။
ဝင်လေ ဆုံးပြီးလျှင် ထွက်လေ စတိုးသည်ကို ဥာဏ်ဖြင့် သိရမည်။ထွက်လေစတိုးသည့်အချိန်သည်
ထွက်လေ ဖြစ်ခြင်း ထွက်လေ ဆုံးသွားသည့်အချိန်သည် ထွက်လေ ပျက်ခြင်း။ ဖြစ်သည့်ခဏ
တည်သော်လည်း ထိုခဏ `၌ပင် ပျက်စီးခြင်း သဘောကို ဥာဏ်ဖြင့်မြင်သိနိုင်ရမည်။ ထိုသို့ မြင်သိအောင်
သမာဓိ ထူထောင် စေခြင်းဖြစ်သည်။ သမာဓိ အားနည်းပါက ဖြစ်ခြင်း ပျက်ခြင်းကို ရှူမြင်နိုင်စွမ်း မရှိပါချေ။
လှို့ ဝှက်သော နက်နဲသော ဂမ္ဘီရ ဆန်သော ပညာရပ်ကို ပေါ့ပေါ့တန်တန် သဘောဖြင့် လုပ်ဆောင်ပါက
အကျိုးထူးရမည်မဟုတ်ကြောင်း  ဆင်ခြင်ကြရပါမည်။

အဖြစ်၏ သဘောကိုသိခြင်းသည် သမထ ဖြစ်ပြီး ကုသိုလ်ကိုအကျိုးပေး၏ နိဗ္ဗာန် ကိုမျက်မှောက် မပြုနိုင်ပေ။
အပျက်ကို သိခြင်းသည် ၀ိပဿနာ  ဖြစ်ပြီး နိဗ္ဗာန်  ရောက်ကြောင်းကို ရွက်ဆောင်နိုင်သည်။

ပုံမှန် ၀င်လေ ထွက်လေကို စတင်ဖြစ်ပေါ်ချိန်သိပြီး ဆုံးသွားချိန်ကိုသိပေးခြင်းသည် ၀ိပဿနာ ဥာဏ် ဖြစ်သည်။
ဝိပဿနာ ဥာဏ်ဖြစ်စေရန် ပုံမှန်ရှူခြင်းရှိူက် ခြင်းကိုသာ ရှူမှတ်နေရမည်။ ရှာ၍ မရှူရ။တမင်လုပ်၍ မရူရ။
ရူရှိုက်ရာ`၌ ဗျာမများရ။ပုံမှန် အနေအထားအတိုင်းသာ ရူရှိုက်နေရမည်။

ဝင်လေသိ ထွက်လေသိနေခြင်းသည် သတိဖြင့်စောင့်ကြည့်ခြင်းကြောင့် သိခြင်းဖြစ်သည်။
ထိုကဲ့သို့ အချိန်ကြာမြင့်စွာရူတိုင်း ရှိုက်တိုင်း သိနေခြင်းသည် ၀ီရိယ စိုက်ထုတ်ခြင်းကြောင့်ဖြစ်သည်။
ဝင်လေ၏ အဖြစ်ကို၎င်း၊အပျက်ကို၎င်း။ ထွက်လေ၏ အဖြစ်ကို၎င်း၊ အပျက်ကို၎င်း သိနေခြင်းသည်
ပညာ ၏ သဘောဖြစ်သည်။

သတိ ပညာ ၀ီရိယ တို့၏ စွမ်းအားဖြင် ၀ိပဿာနာ   ဥာဏ်သည်ဖြစ်၏။

သတိ မရှိပါက ၀င်လေ ထွက်လေကို မသိ။ဝီရိယ စိုက်ထုတ်မှူမရှိပါက အာရုံစူးစိုက်မှူ ပျက်စီးမည်။
ပညာ မစွက်ပါက ဖြစ်ခြင်း ပျက်ခြင်း ကိုမသိနိုင် မမြင်နိင်ပေ။

ထို့ကြောင့် ၀ိပဿနာ   အားထုတ်မည့် ပုဂ္ဂိုလ်သည်
သတိ စွမ်းအား ပညာ စွမ်းအား ၀ီရိယ စွမ်းအားကို စိုက်ထုတ် သုံးစွဲတတ်မှသာ ၀ိပဿနာ မည်ပါလိမ့်မည်။
သတိမပါ ပညာ မတတ် ၀ီရိယ စိုက်ထုတ်ခြင်းမရှိလျှင်  မိမိ ခန္ဓာကို ညှင်းဆဲခြင်း အညောင်းခံ
 ဒုက္ခ သာဖြစ်မည်။

ငုတ်တုတ်ထိုင်တိုင်း ၀ိပဿနာ  အားထုတ်သည်မမည်ပေ။ သတိ ပညာ ၀ီရိယ ပါမှသာ ၀ိပဿနာ  မည်ပါသည်။
ထို့ကြောင့် မိမိကိုယ်ကို ၀ိပဿနာ အားထုတ်သူလား။ လူမြင်အောင်ငုတ်တုတ်ထိုင်နေသူလားဆိုသည်ကို
ကိုယ်ပိုင်ဥာဏ်ဖြင့် ဆန်းစစ်ဝေဖန် ဆင်ခြင် ကြစေလိုပါသည်။

ဖြစ်အောင်လည်း မပြုနှင့်
ပျက်အောင်လည်း မပြုနှင့်
ဖြစ်အောင်ပြုက လောဘ
ပျက်အောင်ပြုက ဒေါသ
ဖြစ်တိုင်း ပျက်တိုင်း မသိက မောဟ

သတိ ပညာ ၀ီရိယ တို့်၏ စွမ်းအားဖြင့် ၀ိပဿနာ  ဥာဏ်အမြင် စင်ကြယ်နိုင်ကြပါစေ။

*****တတိယမြောက်သမီးတော်*****



(မှတ်ချက်။  ။internet connection ကောင်းပါက နေ့စဉ်  အစဉ်အတိုင်း အားထုတ်လိုသူများအတွက်
ကျေးဇူးပြုပါမည်။ MPT ၏ အစိုးမရ ခြင်းကို နားလည် ခွင်လွှတ်တော်မူကြပါကုန်)။

Posted on: Tuesday, November 12, 2013

တရားအားထုတ်လိုသူများအတွက် အထူး အစီအစဉ်

တရားအားထုတ်ရန် ဆန္ဒရှိသူများအတွက် သမီးတော် တတ်နိုင်သည့် အင်အားနှင့်
ကြိုးစားပြီးတင်ပြသွားရန် စီစဉ်မိခြင်းဖြစ်ပါသည်။

အမှန်တကယ် တရားအားထုတ်လိုသူများအတွက် တရားတော် ကိုအစဉ်အတိုင်းဖြစ်စေရန်
ကြိုးစားတင်ပြသွားပါမည်။

သစ္စာ တရား သိပြီး နိဗ္ဗာန် ၀င်စံလိုသူများသည်  ပထမ ဦးစွာ
၁။ သိရမည့် တရား
၂။ပယ်ရမည့် တရား
၃။ပွားရမည့် တရားများကို  မှတ်သားထားရန် လိုအပ်ပါသည်။

သမီးတော် အနေ ဖြင့် ပေါပေါ့ပါးပါး လေး မှတ်သားနာယူမိသမျှထဲမှာ
စိတ်ထဲ လိုလိုလားလားဖြစ်မိသည်များကို ရေးသားရန် ဖြစ်သော်လည်း
အပုဒ်(၁၀၀)ပြည့်သည့်အချိန်တွင် အမှန်တကယ် တရားလိုလားသူများအတွက်
အထူး အစီအစဉ်တရပ်အနေ ဖြင့် ရေးသားရန် စီစဉ်မိခြင်းဖြစ်ပါသည်။
ဤ အစီအစဉ်ကို ဆောင်ရွက်သည့်အတွက်သမီးတော်မှာတာဝန်ကြီးပါသည်။
သို့ သော် တတ်စွမ်းသလောက်တော့ မျှဝေချင်မိပါသေးသည်။

ထို့ကြောင့် ဤဘ၀ ဤခန္ဓာဖြင့် နိဗ္ဗာန်ကိုအရောက်လှမ်းလိုသူများကို
ကြိုးစားပြီး ကျေးဇူးပြုပါမည်။

٭٭٭٭٭တတိယမြောက်သမီးတော်٭٭٭٭٭

Posted on: Wednesday, November 6, 2013

ဗောဇ္ဈင်္ဂ သုတ်တော်အား ကြည်ညိုခြင်း

ခန္ဓာ အာယတန ဓါတ်တို့ မပြတ်ဖြစ်ရာ သံသရာ`၌ အစ မထင် ဆုံးမမြင်အောင်ကျင်လည် ပြေးသွား
သတ္တ၀ါ အများတို့ အား အိုနာသေရေး ခပ်သိမ်းသော ဒုက္ခ ဘေးတို့ကို မနှေးခုတ်ဖြတ် ပျောက်ကင်းစေ
တတ်ကုန်သော ကိလေသာမာန် ကိုယ်တွင်းရန်ကိုတွန်းလှန်နှိမ်နှင်း ဖျက်ခွင်းစေတတ်ကုန်သော။
သရုပ်ပိုင်းခြား ခုနှစ်ပါးသော အကြင်ဗောဇ္ဈင် တရားတို့ ကို မမှားဥာဏ်ထွင် သိမြင်ကြကုန်သည်ရှိသော်
သတ္တ၀ါ အပေါင်း တို့ သည် ကောင်းမြတ်ကြကုန်၏

ကာမ ရူပ အရူပ ဟု ဘ၀ သုံးသွယ် ၀ဋ်ထုံးနွယ်မှ အကယ်မချွတ် ကင်းလွတ်ကြကုန်၏။ ပဋိသန္ဓေ
စွဲတည်နေခြင်းမရှိ ဆံဖြူသွားကျိုး နွမ်းညှိုးမချိ အိုရခြင်းမရှိ မအီမသာ ဘယ်ညာ ပြောင်းလှည့် နာရခြင်းမရှိ။
စုတိ ပြတ်ကြွေ သေရခြင်းများ မရှိသော ဘေးရန်ခပ်သိမ်း ကင်းငြိမ်းရာမှန် မြတ်နိဗ္ဗာန် သို့ 
အမှန် မျက်မှောက် ဆိုက်ရောက် ကြကုန်၏။

ဤ သို့ စသည့် ဂုဏ်ထူးများရှိ၍ များဘိထောင်သောင်း ဂုဏ်တော် ကောင်းတို့ ဖြင့် ပေါင်းစု ပြည့်နှက်
သဂြိုလ် ရေတွက်အပ်သော မြတ်စွာဘုရား ဟောညွှန်ထား၍ သကြားနတ်ပေး ပျောက်စေ ဆေးနှင့်လည်း
တူသော ဘုရားနုတ်ထွက် ဓမ္မစက်ခေါ် ဤဗောဇ္ဈင်သုတ် မန္တန်တော်ကို ဓမ္မ မာမက ကလျာဏ နွယ်ဝင်
သူတော်စင် ဖြစ်ကြကုန်သော သပ္ပုရိသ အပေါင်း အို ....သူတော်ကောင်းတို့ ....
အကျွန်ုပ်တို့ သည် မေတ္တာ လွှမ်းခြုံစေတနာ ဟုန် ဖြင့် ကြည်ယုံသဒ္ဒါ ရွတ်ဆိုကြပါကုန်စို့ ။

ကောင်းမြတ်သော တရားတို့ ကို ပွားများအားထုတ်ခြင်းဟု ဆိုအပ်သော သတိ သမ္ဗောဇ္ဈင် သည်၎င်း။
ရုပ်နာမ် နှစ်ပါး သင်္ခါရ တရား တို့ ကိုပွားများဆင်ခြင် သိမြင်ခြင်းဟု ဆိုအပ်သော ဓမ္မ ၀ိစယ သမ္ဗောဇ္ဈင်
သည်၎င်း။ ထိုမှ တစ်ပါး ကုသိုလ် တရားတို့`၌ ပွား များအားထုတ်ခြင်းဟု ဆိုအပ်သော ၀ီရိယ သမ္ဗောဇ္ဈင်
သည် ၎င်း။ ကောင်းသောအာရုံတို့`၌ ပွားများထုံလျှက် နှစ်သက်ခြင်းဟု ဆိုအပ်သော ပီတိ သမ္ဗောဇ္ဈင်သည်
၎င်း။ကိုယ်စိတ် နှစ်တန် ပူပင် ငြိမ်းအေးခြင်းဟု ဆိုအပ်သော ပဿဒ္ဓိ သမ္ဗောဇ္ဈင်သည်၎င်း။ ထိုမှတစ်ခြား တစ်ပါး
ကိုယ်စိတ် နှစ်ချက် ငြိမ်သက် တည်ကြည်ခြင်းဟု ဆိုအပ်သော သမာဓိ သမ္ဗောဇ္ဈင် နှင့် သုခ ဒုက္ခ ဟူသမျှ
တို့ `၌ ဆုတ်နစ် တက်ကြွ မရှိရပဲ  အညီ အမျှ ထားခြင်းဟု ဆိုအပ်သော ဥပေက္ခာ သမ္ဗောဇ္ဈင် သည်၎င်း။
ဤသို့  အလုံးစုံသော တရားတို့ကို အကုန် အစင် သိမြင်တော်မူသော မြတ်စွာဘုရားသည်  များပြား
ပြည့်စုံ ဟောကြားတော်မူအပ်ကုန်၏။

ထိုဗောဇ္ဈင် ခုနှစ်ပါး မြတ်တရားတို့ကို ကြိမ်ဖန်မခြား ပွားများအပ်ကုန်သည်ရှိသော် ။ ကြိမ်ဖန် အထပ်ထပ်
လေ့လာ အပ်ကုန်သည်ရှိသော်။ ထူးသောဥာဏ်ဖြင့် တရားမှန် ဟူသရွေ့ တို့ ကို  ထိုးထွင်း၍ သိခြင်းငှါ။
ဒုက္ခ ခပ်သိမ်း ကင်းငြိမ်းရာမှန် မြတ်နိဗ္ဗာန် ကို မျက်မှောက်ပြုခြင်းငှာ မဂ်ဖိုလ် တရား ပိုင်းခြား ထင်ထင်
ထိုးထွင်း၍ သိခြင်းငှာ ဖြစ်ကြပါကုန်၏။

ဤသို့ မှန်ကန်သော သစ္စာ စကားကြောင့် သင့်အား နေ့ရော ညပါ  အခါ ခပ်သိမ်း ဘေးရန်ငြိမ်း၍
ရှောင်တိမ်း ရောဂါ ကောင်းမြတ်သောမင်္ဂလာ သည် ဖြစ်ပါစေသတည်း။

အခါတစ်ပါး မြတ်စွာဘုရားသည် နာဖျား ဆင်းရဲ ဝေဒနာ စွဲ၍ နေကြကုန်သော ဂိဇ္ဈကုဋ်တောင်နေ
အရှင် မဟာ မောဂ္ဂလာန် မထေရ် နှင့် ပပ္ပလိ လိုဏ်နေ အရှင်မဟာကဿပ မထေရ်တို့ကို မျက်မှောက်
ရှေ့တွင်တွေ့ မြင်တော်မူ၍ သတိ သမ္ဗောဇ္ဈင် စသား ခုနှစ်ပါးသော တရားတော်တို့ကို မေတ္တာရှေ့ သွား
ဂရုဏာ ထား၍ျ   ဟောကြားတော်မူလေ၏။ သာသနာ့ ဦးစီး ထိုမထေရ်ကြီးနှစ်ပါးတို့သည်လည်း
ထိုသို့  ဟောကြား ခုနှစ်ပါးသော ဗေဇ္ဈင် တရားတော်ကို အလွန် နှစ်လို ကြည်ညိုကြကုန်သည်ဖြစ်၍
ကောင်းစွာ နာရ ထိုခဏ `၌ပင်လျှင် နာကျင်ပြင်းစွာ စွဲကပ်လာသော ဝေဒနာ မှ မကြာကင်းပျောက်
ချမ်းသာလွတ်မြောက်တော်မူ ကြကုန်၏။


ဤသို့ မှန်ကန်သော သစ္စာ စကားကြောင့် သင့်အား နေ့ရော ညပါ  အခါ ခပ်သိမ်း ဘေးရန်ငြိမ်း၍
ရှောင်တိမ်း ရောဂါ ကောင်းမြတ်သောမင်္ဂလာ သည် ဖြစ်ပါစေသတည်း။

တရံရောအခါ မြတ်စွာဘုရားကိုယ်တော်တိုင်ပင် နာကျင် ခံခက် ရောဂါဝေဒနာ နှိပ်စက်အပ်သည်ဖြစ်၍
အရှင်စုန္ဒ အမည် ရသော မထေရ်အား ထိုဗောဇ္ဈင် ခုနှစ်ပါး မြတ်တရားကိုပင်လျှင်လေးစားရိုသေ ရွတ်ဖတ်
တော်မူစေ၍  ကြည်သာရွှင်ပြ ၀မ်းမြောက် အားရ ကြားနာတော်မူ၏။ ထိုခဏ `၌ မှာပင် နာကျင်ခံခက်
မြတ်စွာဘုရား စွဲကပ်သော ရောဂါ ဝေဒနာသည်  ရှင်းရှင်းပျောက်၍ ထမြောက် ကျန်းမာတော်မူလေ၏။


ဤသို့ မှန်ကန်သော သစ္စာ စကားကြောင့် သင့်အား နေ့ရော ညပါ  အခါ ခပ်သိမ်း ဘေးရန်ငြိမ်း၍
ရှောင်တိမ်း ရောဂါ ကောင်းမြတ်သောမင်္ဂလာ သည် ဖြစ်ပါစေသတည်း။

သီလက္ခန္ဓ စသည့် ကျေးဇူး ဂုဏ် အထူးကို ဆည်းပူး ရှာမှီးလေ့ ရှိတော်မူကြကုန်ပြီးသော သဗ္ဗညု မြတ်စွာ
ဘုရားနှင့် လက်ဝဲတော်ရံ အရှင်မဟာ မောဂ္ဂလာန် အရှင် မဟာ ကဿဿပ     သာသနာ့ ဦးစီး သုံးပါး ကုန်သော
ကိုယ်တော်မြတ်ကြီးတို့ သည် ပယ်ဖျောက်အပ်ကုန်သော နာကျင်ခံခက် ထိုရောဂါ ဝေဒနာ နှိပ်စက်ခြင်းတို့ မှ
တရားဥာဏ်မဂ် ဓါးသန်လျှက်ဖြင့် ပယ်ဖျက်ခုတ်သတ် အပ်ကုန်ပြီးသော ကိလေသာတို့ကဲ့သို့ ရောဂါ ဝေဒနာ
တို့မှ ပျောက်ကင်းချမ်းသာခြင်းသို့ ရောက်ခြင်းကြီး ရောက်ကြပါကုန်၏။


ဤသို့ မှန်ကန်သော သစ္စာ စကားကြောင့် သင့်အား နေ့ရော ညပါ  အခါ ခပ်သိမ်း ဘေးရန်ငြိမ်း၍
ရှောင်တိမ်း ရောဂါ ကောင်းမြတ်သောမင်္ဂလာ သည် ဖြစ်ပါစေသတည်း။

(ဘုရားဂုဏ်တော်များနှင့် ကိုယ်တွေ့ ဖြစ်ရပ်များ စာအုပ်မှ အနက် ကိုနှစ်သက်စွာ ရွတ်ဆို ကူးယူ
ဖေါ်ပြခြင်းဖြစ်ပါသည်)



            *****တတိယမြောက်သမီးတော်*****

Posted on: Friday, November 1, 2013

ကျေးဇူးတင်ပါတယ်

သမီးတော် ရေးထားတာလေးတွေကိုလာရောက်ဖတ်ရှူကြသူများအားလုံးကို ကျေးဇူးတင်ပါတယ်။
ကျေးဇူးတင်ရခြင်းက သမီးတော် ရေးတာကို ဖတ်ပေးလို့ မဟုတ်ပါဘူး။ တရားတော်တွေကို
ဖတ်ရှူလေ့လာခြင်းကြောင့် ကျေးဇူးတင်တာဖြစ်ပါတယ်။ထပ်ဆင့်ပြီးကျေးဇူးတင်ချင်တာက ....
မဟာဂရုဏာတော်ရှင် မြတ်စွာဘုရားက ဘုရားဖြစ်လို့ သတ္တ၀ါတွေကို ဥာဏ်တော်နဲ့ကြည့်တဲ့အခါ
ဘာ ဆို ဘာမှ မသိကြတာကိုမြင်တော်မူပြီး အင်မတန်မှ သနားတော်မူသတဲ့။ဒီတော့ သမီးတော်တို့ က
မြတ်စွာဘုရားရှင် ကိုယ်တော်မြတ်ရဲ့ စစ်မှန်တဲ့တရားတော်တွေကို ကိုယ်သိသလောက် နားလည်
သလောက် ကြိုးစားပြီး ဝေမျှ ရင်း မြတ်စွာဘုရားရဲ့ မဟာ ဂရုဏာနဲ့ စေတနာကို ဖြည့်ဆည်းခွင့်ရလို့ 
လာရောက်ဖတ်ရှူသူများအားလုံး ကို ကျေးဇူးတင်ခြင်းပဲဖြစ်ပါတယ်။

တရားတော်တွေကို ဝေမျှတဲ့နေရာမှာ သမီးတော်မှာ အားနည်းချက်တွေရှိပါတယ်။
အစဉ်တစိုက် တရားတော်တွေ မဝေမျှနိုင်ခြင်းပါပဲ။ တရားတပုဒ်ကို ရေးသားဖို့  စိတ်ကူးလိုက်တိုင်း
တရားတော်တွေ နားကြားရပါတယ်။ နာကြားတဲ့အခါ တစ်ကြိမ်တည်း နာလို့ မရပါဘူး။အနည်းဆုံးသုံးကြိမ်
လောက်နာကြားရပါတယ်။ ခပ်တိုတိုပဲ ဖတ်ချင်တတ်တဲ့ လူ့ သဘာဝ ကြောင့် ခပ်တိုတိုနဲ့ နားလည်အောင်
ကြိုးစားပြီး ထုတ်နုတ်ရတာပါ။လိုရင်းအချက်နဲ့ နားလည်အောင် တရားတော်ကိုနှလုံးသွင်းနိုင်အောင်
ရေးသားနိုင်ဖို့ ကြိုးစားရပါတယ်။

သမီးတော်က ဓမ္မ ကထိက လည်းမဟုတ်သလို  ဆရာသမားရဲ့ သြ၀ါဒ ကိုခံယူရတာမျိုးလည်း မရှိတော့.
ရေးလိုက်တဲ့ တရားတော်မှာ လွန်သွားတာမျိုး ။ လွတ်သွားတာမျိုး။ လိုသွားတာမျိုး ။ ဖြစ်မှာစိုးလည်းစိုးရိမ်
မိပါတယ်။

ရေးလိုက်တဲ့ အကြောင်းအရာမှာ တကယ် တရားတော်ထဲက ဟောထားတာကို နားလည်မှူ  အားနည်းပြီး
အရေးလွန်မှာ စိုးပါတယ်။ လိုရင်းကို လွတ်ပြီး ရေးမိမှာ စိုးပါတယ်။ ပြည့်စုံအောင်မရေးနိုင်ပဲ လိုသွားမှာကို
စိုးမိပါတယ်။

ဒါကြောင့် အရမ်းကိုလေးနက်တဲ့တရားတော်တွေကိုနာကြားခဲ့ရပေမယ့် ရေးဖို့ ခက်ခဲနေတာပါ။
သမီးတော်ရေးသားခဲ့တဲ့..ဆရာကောင်းသမားကောင်းကိုမှီဝဲပါ..ဆိုတဲ့  စာတစ်ပုဒ်မှာ  နောက်ဆုံး
အဆင့်ကိုပဲ သမီးတော်ရေးသားနိုင်ခဲ့ပြီး ရှေ့ မှာ စတင်ပြီးအားထုတ်ရမယ့် အချက်အလက်တွေ
အဆင့်ဆင့်တွေကိုပြည့်စုံအောင် မတင်ပြနိုင် မရေးသားနိုင်ခဲ့ပါဘူး။အဓိပတိ (၃)ပါးကိုလက်ကိုင်
ထားဖို့ ။နီဝဏ (၅)ပါးကိုဖယ်ရှားရှင်းလင်းဖို့  စသည်ဖြင့် တရားအားထုတ်သူ အတွက် ဖြောင့်ဖြောင့် 
မှန်မှန်အားထုတ်ရာမှာ ကြားဝင်တတ်တဲ့ကိလေသာတွေကို ဖယ်တဲ့နည်းတွေ မရေးသားနိုင်ခဲ့ပါဘူး။

တကယ် ပြည့်ပြည့်စုံစုံရေးသားဖို့ ကြတော့ သမီးတော်ကိုယ်တိုင်က ကျမ်းတွေ ပါဠိတော်တွေ စသည်ဖြင့်
ပြည့်စုံအောင်လေ့လာထားတာမဟုတ်တဲ့အတွက် အင်မတန်မှ အားနည်းနေပါတယ်။

ဒါကြောင့်လည်း တရားကိုတကယ်ရချင်တဲ့သူများကို စနစ်တကျ သင်ကြားပို့ ချပေးမယ့်နေရာမှာ
သင်ယူလေ့လာပြီး အားထုတ်ဖို့ ပဲတိုက်တွန်းနေရတာပါ။

သင်ထောက်ကူပစ္စည်းတွေနဲ့ သုံးပြီး သေသေချာချာနားလည်အောင် စနစ်ကျအောင် သင်ကြားပေးတဲ့
ဆရာတော်များ ရဲ့ လမ်းညွှန်မှူနဲ့ ၀ီရိယ စိုက်ပြီး အားထုတ်ကြမယ်ဆိုရင် ဒီဘ၀ မှာ နိဗ္ဗာန် မရဘူးဆိုတာ
မရှိတော့ပါဘူး။  ရ ကို ရမှာ သေချာပါတယ်လို့  ရဲရဲဝံ့ဝံ့ ပြောပါရစေပါ။

စာဖတ်ရန်ရောက်ရှိလာကြသူများအားလုံးကို တရားတော်များဖတ်ရှူသွားကြတဲ့အတွက် အထူးပဲကျေးဇူးတင်
ပါကြောင်း။ မြတ်စွာဘုရားရဲ့ တရားတော်ကို ယုံကြည်ခြင်းဆိုတဲ့ သဒ္ဒါစိတ် လေးနဲ့ ကြိုးစား လေ့လာကြတဲ့
အတွက် အထူးပင် ကျေးဇူးတင်ပါကြောင်း လေးစားစွာပြောပါရစေပါရှင်။

*****တတိယမြောက်သမီးတော်*****