အနိစ္စလို့ ဆင်ခြင်ပါ

 

 

ညနေခင်းအချိန်လေး အားနေတာနဲ့ အိမ်ရှေ့ က မြက်ခင်းမှာ မြက်ရိုင်းတစ်ချို့  ထိုးထိုးထောင်ထောင်
ထွက်နေတာကို အမြင်မလှလို့  ဓါးရှည်တစ်ချောင်းကိုယူပြီး မြက်တွေကို ရှင်းပါတယ်။ မြက်တွေရှင်း
နေရင်းနဲ့  ကြွက်တစ်ကောင်ရဲ့အမြီးပိုင်းလေးကိုတွေ့ တော့ သေခြင်းတရားက ခေါင်းထဲကို
ဝင်လာပါတယ်။ကြွက်က အမြီးလေးပဲ ကျန်တော့တာပါ ခွေးစားတာခံရတာလား ကြောင်စားတာ
ခံရတာလားတော့ မသိပါဘူး။ စားကြွင်း အပိုင်းအစလေးတစ်ချို့ လည်း ကျန်နေပါတယ်။


သမီးတော်တို့ ကော ဒီလိုသေခြင်းမျိုးနဲ့ သံသရာ တစ်လျှောက်လုံးဘယ်နှကြိမ်သေခဲ့ပြီးပြီလဲ။
တရားတော်များမှာ အကြိမ်ကြိမ်ဖတ်ဖူးသလို အကြိမ်ကြိမ်လည်းနာကြားမှတ်သားခဲ့ရပါတယ်။
အရိုးကြီးဘ၀ နဲ့သေလို့  မြုပ်နှံခဲ့ရတာတောင် အရိုးတွေက တောင်လိုပုံပါတယ်တဲ့ ။ ပုရွက်ဆိတ်လို
ခါချဉ်လို အကောင်မျိုးဘ၀တွေ မပါသေးပါဘူးတဲ့ ။ ကြွက် တို့  မြွေတို့ လို ဘ၀မျိုးနဲ့ကော 
ဘယ်နှဘ၀ သေခဲ့ပြီလဲမသိနိုင်။ သေတယ်ဆိုမှတော့ သစ္စာမသိပဲ သေခဲ့ရတဲ့ဘ၀တိုင်းဟာ
အသေဆိုးနဲ့သေခဲ့ရတာချည်းပါပဲ။သစ္စာမသိသေးတဲ့သူတိုင်း သေခြင်းတရားကိုကြောက်လန့် ကြမယ်။
သေခြင်းတရားရဲ့ ဟိုမှာဘက်က ဘယ်လိုအရာနဲ့ရင်ဆိုင်ရမယ်ဆိုတာမသိနိုင်တဲ့အဖြစ်တွေပါ။
သစ္စာသိပြီးသားအရိယာတွေကတော့ သေခြင်းတရားကိုရင်ဆိုင်တဲ့အခါ ပြုံးပြီးရင်ဆိုင်နိုင်ကြတယ်။
ပြုံးပြီး သေကြတယ် လို့  သိထားရတာပါ။နောက်ထပ်ခံစားရမယ့်ဒုက္ခက နည်းသွားပြီကိုး။
ရဟန္တာများဆိုရင် နောက်ထပ် ဒုက္ခတွေ မလာတော့ဘူး။အနာဂါမ်နဲ့ အောက် အရိယာတွေကတော့
တဘ၀စာအတွက် ဒုက္ခကလွတ်မြောက်ပြီ  နောက်ထပ် ဒုက္ခ အနည်းငယ်သာကျန်တော့တယ်လို့ 
ဒီလိုယူမှတ်နိုင်ကြလို့  သေခြင်းတရားကို ပြုံးပြီး ရင်ဆိုင်နိုင်ကြပါတယ်တဲ့။

အရိယာဖြစ်ဖို့ ကြတော့လွယ်ပါ့မလား ဆိုတော့  ဆရာတော်များမိန့် တာကို
မှတ်သားဖူးပါတယ်။ မလုပ်တတ်ရင်သာခက်တာ။ လုပ်တတ်ရင်လွယ်လွယ်လေးတဲ့ ။
ပညာရဲ့သဘောသွားကိုနားလည်ထားပြီးတကယ်လုပ်ရင်လွယ်ပါတယ်တဲ့ ။
ပညာရဲ့သဘောသွားကို နားလည်တယ်လို့ ဒီလို ခပ်လွယ်လွယ်ပဲ ထင်တတ်ကြတယ်။
ခန္ဓာ အဖြစ်နဲ့ ခန္ဓာ အပျက်ကို မြင်အောင်ကြည့်တတ်ရင် ၀ိပဿနာ။အဲ့ဒီ ၀ိပဿနာကို
သတိနဲ့ ကြည့်ရာမှ သတိမလွတ်အောင်ကြည့်ရမှာ။ဝီရိယ စိုက်ထုတ်ရမှာ။
သိသာ သိပြီး သတိမလွတ်အောင် မကြည့်နိုင်ရင် ၀ီရိယ အားမစိုက်ရင်
ဝိပဿနာ ဆိုတာ ဒါပါပဲကွာလို့ ငါသိကြီးလုပ်လို့  ခရီးဆုံးမရောက် ကိစ္စမပြီး
ဒီလိုနဲ့ သိသာ သိပြီး နိဗ္ဗာန်ကိုမျက်မှောက်မပြုနိုင်တဲ့သူတွေ များလွန်းလှပါတယ်။
ပါရမီ ရင့်သန် မှ ဥာဏ်ရင့်မှ ဘုရားတောင် တရားဟောတယ်လို့  ယူဆကြသူကလည်း
များလွန်းလှပါတယ်။ အတိတ်က ပါရမီ မပါချင်နေပါစေ။လက်ရှိဘ၀မှာ  သစ္စာတရားကို
နာကြားနိုင်တဲ့ ဥာဏ်နားသာရှိရင် ပါရမီ ရှိသည်ဖြစ်စေ မရှိသည်ဖြစ်စေ ဥာဏ်ရင့်သန်
လာအောင် ကိုယ်တိုင်က အားစိုက်ကြိုးစားရင် ပါရမီက ပြည့်လာပါမယ်။

ဘုရားရှင်ကိုယ်တော်မြတ်ကြီးသက်တော်ထင်ရှားရှိစဉ် အချိန်ကတည်းက
သစ္စာတရားကိုနာကြားနိုင်တဲ့ဥာဏ်နားတွေ ရှိပါလျှက်နဲ့  တရားအလုပ်အားထုတ်ရမှန်း
မသိကြတဲ့  မဟာဓန သူဋ္ဌေးလင်မယားကို မမေ့သင့်ပါဘူးရှင်။
ဘုရားရှင် ကိုယ်တော်တိုင် ပြောခဲ့ပါတယ် ပထမ အရွယ်မှာသာ သစ္စာတရား
နာကြားပြီး ၀ိပဿနာ အလုပ်ကိုအားထုတ်လိုက်မယ်ဆိုရင် အနာဂါမ်တည်
လိမ့်မယ်တဲ့ ။ ဒုတိယ အရွယ်မှာ သစ္စာတရားနာကြားပြီး ၀ိပဿနာ အလုပ်
အားထုတ်လိုက်ရင် သကဒါဂါမ် တည်လိမ့်မယ်တဲ့ ။ တတိယ အရွယ်မှာ
သစ္စာတရားနာကြားပြီး ၀ိပဿနာ အလုပ်အားထုတ်လိုက်ရင် သောတာပန်
တည်လိမ့်မယ်တဲ့ ။ ဘုရားရှင် က အလကားမိန့်တော်မူတာမဟုတ်ပါဘူး။
အတိတ် ဘ၀တွေတုံးက ပါရမီတော်ဖြည့်ကျင့်ခဲ့တာမရှိလို့ သာ ဘုရားရှင်
ကိုယ်တိုင် တရားဟောမကြွခဲ့တာပါ။ သူတို့ ကိုယ်တိုင်လည်း ဘုရားရှင်
ရှိရာကို မရောက်လာနိုင်ကြတာပါ။ ပါရမီ ရှိခဲ့ကြသူများသာဆိုရင်
ဘုရားရှင် ကိုယ်တော်မြတ်က ကိုယ်တော်တိုင်ကြွပြီး ပထမ အရွယ်မှာကတည်း
တရားတော်များဟောကြားတော်မူမှာပေါ့။ သစ္စာတရားကိုနာကြားနိုင်တဲ့
ဥာဏ်နားရှိသော်လည်း မိမိကိုယ်ကို စောင့်ထိန်းခြင်း တန်ဖိုးရှိရာကို ဦးတည်မှု
မရှိခြင်းများကြောင့် တန်ဖိုးရှိသောအရာများ ဆုံးရှုံးသွားခဲ့တာပါ။
ချမ်းသာကြွယ်ဝမှု ကို အဟုတ်မှတ်ပြီး ပျော်ပါး သောက်စား အချိန်တွေ
ဖြုံးတီးခဲ့တာ။ နောက်ဆုံးရလာဒ်က သူတောင်းစားဘ၀နဲ့ လက်ရှိ
ဘ၀ကိုအဆုံးသတ်ခြင်းဖြစ်ပြီး သံသရာမှ ကျင်လည် ရတဲ့ သတ္တ၀ါတစ်ခု
အဖြစ်သာ ဖြစ်ခဲ့ရပါတယ်။

သမီးတော် ဆိုလိုချင်တာက သေခြင်းတရားတစ်ခုကိုတွေ့ တိုင်းလည်း
မရဏသတိ ကို ဖြစ်စေအောင်  မိမိ ကိုယ်ကို စောင့်ရှောက်ဖို့ လိုအပ်ပါတယ်။
ယက်ကန်းသည်မလေး ဟာ မရဏသတိလေးနဲ့  သုံးနှစ်တိုင်အောင်
နေခဲ့တာ ဘုရားရှင်ကိုယ်တိုင်ကြွပြီးတရားဟောရတဲ့အထိ ပါရမီ ပြည့်သွားတယ်။
ယက်ကန်းသည်မလေးဟာ အတိတ်ဘ၀က ပါရမီ နဲ့ မဟုတ်ပဲ လက်ရှိဘ၀မှာတင်
ယုံကြည်စွာ ဖြည့်ကျင့် အားထုတ်လိုက်လို့  ပါရမီလည်းပြည့်ပြီး ဥာဏ်လည်းရင့်
လာတာဖြစ်ပါတယ်။ သေခြင်းတရားတစ်ခကို သော်လည်းကောင်း နာခြင်းတရား
တစ်ခုကိုသော်လည်းကောင်း မြင်တွေ့ ရတိုင်း သတိဝင်ပြီး  ခန္ဓာဟာ
ဖောက်ပြန်ခြင်းသဘောသာရှိတယ် နာခြင်းသဘောသာရှိတယ် သေခြင်းသဘော
သာရှိတယ်လို့  မိမိ နှလုံးသားထဲကကို ယုံယုံကြည်ကြည်နဲ့ နှလုံးသွင်းဆင်ခြင်
ပေးတဲ့ အလေ့အကျင့်ရှိခဲ့ရင် ပါရမီ က ပြည့်လာမှာပဲ။ဘုရားရှင်ကို ယုံကြည်ခြင်း
ဆိုတဲ့ သဒ္ဓါတရားဟာ နိဗ္ဗာန်ကိုမျက်မှောက်ပြုဖို့ အတွက် အခိုင်မာဆုံးသော
အုတ်မြစ်တစ်ခုပါ။

ဘုရားရှင်နှင့် ဘုရားရှင်ဟောကြားသောတရားတော်များကို ယုံကြည်ခြင်းဆိုတဲ့
သဒ္ဓါတရားမရှိတဲ့သူဟာ သီလ အရာမှာလည်း ယုံကြည်စွာကျင့်သုံးဆောက်တည်
မှာ မဟုတ်ပါဘူး။ သံသရာကျင်လည်ရခြင်းကိုလည်း မယုံတဲ့အတွက် သီလ
ဆောက်တည်ခြင်း  အမှုကို ဆောင်ရွက်မှာ မဟုတ်ပါဘူး။ ဒါန ဟာ ချမ်းသာစည်းစိမ်ကို
ပေးစွမ်းနိုင်သည်ထက်  သီလ  က မပေးစွမ်းနိုင်တဲ့အရာဆိုတာ မရှိပါဘူး။

သီလ ကိုစောင့်ထိန်းခြင်းဟာ မိမိကိုယ်ကို ယုံကြည်မှုကိုရှိစေပြီး။ အရာရာကို
ရဲရင့်စွာ ရပ်တည်ရင်ဆိုင်နိုင်ပါတယ်။ ဒါကြောင့် သီလပြည့်စုံသူများဟာ
နိဗ္ဗာန်ကိုသော်လည်းအလိုရှိရင် မိမိသီလကို ဆင်ခြင်ခြင်းဖြင့် မျက်မှောက်ပြု
နိုင်စွမ်းကြပါတယ်။ ထို့ ထက်ပို၍လည်း သံဝေဂဥာဏ် နဲ့နှိုင်းယှဉ်ပြီး အရာရာ
ချင့်ချိန် ဆင်ခြင်တတ်ရင် ဥာဏ်အရာ ရင့်ကျက်လာပါလိမ့်မယ်။
တွေ့ မြင်ရသမျှဟာ အနိစ္စတွေပါပဲ။ ပုရွက်ဆိတ်လေးတစ်ကောင်ကိုက်တာ
ခံရတဲ့အခါ ယားကျိကျိဖြစ်လို့  လက်နဲ့ အသာအယာလေးပွတ်လိုက်တဲ့အခါ
ပုရွက်ဆိတ်က သေရပါတယ်။  သေ  အေးရောလို့  မတွေးပါနဲ့ ။
ဟယ် ပုရွက်ဆိတ်လေး သေသွားပြီလို့ လည်း စိတ်မကောင်းဖြစ်မနေပါနဲ့ ။
ကိုယ်က သတ်ချင်လို့ သိတ်တာမှ မဟုတ်တာနော်။မတော်တဆ နဲ့ 
ပွတ်မိရင်းသေသွားတာတွေ့ မှတော့  အနိစ္စပါလားလို့  သံဝေဂ စိတ်နဲ့
ရှုမြင်လိုက်ပါ။ မိမိ ကိုယ်တိုင်လည်း အချိန်မရွေးအကြောင်းကြောင်းကြောင့်
သေသွားနိုင်တာကို ဆင်ခြင်လိုက်ပါ။ နေရာတိုင်းမှာ သေခြင်းတရားကိုမြင်တွေ့ နေ
ရတာမို့  သေခြင်းတရားကိုတွေ့ တိုင်း အနိစ္စပါလား လို့  ဆင်ခြင်ပေးရင်
မြင်တတ်ရင် ဥာဏ်ရင့်သန်လာမှာဖြစ်တဲ့အတွက် သတိလေးထားပြီး
သိမှတ်ကြစေချင်ပါတယ်။

သတိဖြင့်ဆင်ခြင်ခြင်းမှ ပညာအရာဖြင့် နိဗ္ဗာန်သို့ မျက်မှောက်ပြုနိုင်ကြပါစေ။


*****တတိယမြောက်သမီးတော်*****