ဗုဒ္ဓမြတ်စွာ သာသနာ ရောင်ဝါနေသို့ လင်းပါစေ
Related Posts Plugin for WordPress, Blogger...

Posted on: Tuesday, March 17, 2015

အမြတ်စား အညံ့စား အကျင့် နှစ်ပါး


မဂ်သို့ ရောက်ကြောင်း ထိုအကျင့်ကောင်းကိုလည်း  အမြတ်စား
အညံ့စား  နှစ်မျိုးအားဖြင့် မြတ်စွာဘုရား ဟောကြားတော်မူအပ်ပြီ။


ရဟန်းတရားကို ပွားများကြိုးကုတ် စ၍ အားထုတ်သည်မှ
နီဝရဏ ငါးပါးတို့ ကို ခွါနိုင်သည့် တိုင်အောင် ဤ အတွင်းသည်
ပဋိပဒါ၏ခေတ် ပဋိပဒါ၏ နယ်ပယ်မည်၏။

ဤ အတွင်း အလွယ်တကူ မပင်မပန်း နီဝရဏ ငါးပါးတို့ ကို ခွါစွန့် နိုင်လျှင်
“သုခါ ပဋိပဒါ”   ဟူ၍ ခေါ်၏။
ငြိုငြင် ပင်ပန်းဆင်းရဲစွာကျင့်မှ နီဝရဏတို့ ကို စွန့် ခွါနိုင်လျှင်
“ဒုက္ခာ ပဋိပဒါ”   ဟူ၍ ခေါ်၏။
နီဝရဏ ငါးပါးတို့ ကိုခွါစွန့် ပြီးသည်မှ စ၍
မဂ်ဥာဏ်သို့ ရောက်သည့်တိုင်အောင် ဤ အတွင်းသည်
အဘိညာခေတ်  (အဘိညာ=၀ိပဿနာ ဥာဏ်ပညာ)
၏ နယ်ပယ်မည်၏။
နိဝရဏ ငါးပါးတို့ ကို ခွါပြီးနောက် မဂ်ဥာဏ်သို့ 
အလျှင်အမြန်ရောက်သော ၀ိပဿနာ ဥာဏ်တို့ ကို
ခိပ္ပါဘိည ဟူ၍ ခေါ်၏။
မဂ်ဥာဏ်သို့  နှေးနှေးကန်ကန် ရောက်မူ ထိုဝိပဿနာ ဥာဏ်တို့ ကို
ဒန္ဓာဘိည ဟူ၍ ခေါ်၏။

(၁)အချို့ သော ပုဂ္ဂိုလ်တို့ မှာ ရဟန်းတရားအားထုတ်လတ်သော်
နီဝရဏ ငါးပါးတို့ ကို မပင်မပန်း အလွယ်တကူ ပယ်ပြီးလျှင်
မဂ်ဥာဏ်သို့ လျှင်မြတ်စွာ ရောက်ကြ၏။ ထိုပုဂ္ဂိုလ်တို့ ၏ ပဋိပဒါ
(=အကျင့်မျိူး)ကို သုခါ ပဋိပဒါ ခိပ္ပဘိညာ  ဟူ၍ ခေါ်၏။ (ဤအကျင့်မျိုးကို
အမြတ်စားဟူ၍ မြတ်စွာဘုရားဟောကြားတော်မူ၏။)
(၂)အချို့ သော သူတို့ မှာ နီဝဏ ငါးပါးတို့ ကို အလွယ်တကူနှင့်
ပယ်ပြီးနောက် နှေးကန်စွာ မဂ်ဥာဏ်သို့ ရောက်ဆိုက်ကြ၏။
ထို ပုဂ္ဂိုလ်တို့ ၏ ပဋိပဒါ(=အကျင့်မျိုး)ကို သုခ ပဋိပဒါ ဒန္ဓာဘိညာ
ဟူ၍ ခေါ်၏။
(၃) အချို့ မှာနီဝဏ ငါးပါးတို့ ကို ငြိုငြင်ပင်ပန်းခဲယဉ်းစွာကျင့်မှ
ခွါစွန့် နိုင်ပြီးလျှင် မဂ်ဥာဏ်သို့ ကား လျှင်မြန်စွာ ရောက်ဆိုက်ကြ၏။
ထိုသူတို့ ၏ ပဋိပဒါ(= အကျင့်မျိုးကို ဒုက္ခာ ပဋိပဒါခိပ္ပါဘိညာ ဟူ၍ ခေါ်၏။
(၄)အချို့ မှာ နီဝဏငါးပါးတို့ ကိုလည်း ငြိုငြင်ပင်ပန်း ခဲယဉ်းစွာကျင့်၍
စွန့်ခွါပြီးနောက် မဂ်ဥာဏ်သို့လည်း နှေးနှေးကန်ကန် ရောက်ဆိုက်ကြ၏။
ထိုသူတို့ ၏ ပဋိပဒါ(=အကျင့်မျိုး)ကို ဒုက္ခါ ပဋိပဒါ ဒန္ဓာ ဘိညာ ဟူ၍ ခေါ်၏။

ထိုအမြတ်စား အညံ့စား အကျင့်နှစ်ပါးဖြင့် နိဗ္ဗာန်တည်းဟူသော
တဖက်ကမ်းသို့ ရောက်ဆိုက်ရာမှာလည်း မဂ်ဥာဏ်တစ်ခုတည်းဖြင့်
နိဗ္ဗာန်သို့ နှစ်ကြိမ် နှစ်ခါ မရောက်ကောင်းချေ။(မဂ်ဥာဏ်သည်
တစ်ကြိမ်ဖြစ်လိုက်လျှင်ပင် မိမိ ပယ်ရမည့် ကိလေသာကို အပြီးသတ်
ပယ်သောကြောင့် နောက်ထပ် တစ်ဖန် ထိုခန္ဓာ သန္တာန်မှာ ဖြစ်ရိုးမရှိသဖြင့်
မဂ်ဥာဏ် တစ်ခုတည်းဖြင့် နိဗ္ဗာန်သို့  နှစ်ကြိမ်နှစ်ခေါက် မရောက်ကောင်းချေ
ဟု ဟောတော်မူခြင်းဖြစ်သည်။

(မဟာဗုဒ္ဓ၀င် ဒုတိယတွဲ စာမျက်နှာ-၄၈၉)
……..
အမြတ်စားဖြင့်သော်လည်းကောင်း၊ အညံ့စားဖြင့်သော်လည်းကောင်း၊
မဂ်ဥာဏ်သို့ ဆိုက်ရောက်ခြင်းသည် ကြီးစွာသောအကျိုးဖြစ်၏။
ထိုမဂ်ဥာဏ်သို့ဆိုက်ရောက်ခြင်းငှါ ကြီးစွာသော ၀ီရိယ ဖြင့်
ကြိုးစားအားထုတ်ခြင်းသည် ဖြစ်ကြပါစေ။


                           *****တတိယမြောက်သမီးတော်*****

0 comment: