ခင်ဗျားတို့  ဆုတောင်းတွေ ပြည့်နေကြတယ်လို့ မှတ်ပါ..။
*မိုးကုတ် ဆရာတော်ဘုရားကြီး*
…………..
ခင်ဗျားတို့ က ဈေးသည် ဈေးရောင်းကောင်းလို
့ လက်မလည်တာကို
သွားအားကျနေကြတယ်။ဟိုမှာဖြင့် ထမင်းတောင်
ဖြောင့်ဖြောင့်မစားရလို့ 
အလုပ်တွေ တလစပ်လုပ်နေရလို့  လျှာထွက်နေတာကို
ခင်ဗျားတို့ မမြင်ဘူး။
………
သူ့ တဏှာ လိုရာပြည့်ပါလျှက်
ပြုံးပျော်ကာ မော်မကြွားနိုင်ဘူး။
ဝယ်သူကို မာန်ကာမဲလေတော့
ပြုံးမိတယ်လေး။
(တတိယမြောက်သမီးတော်)
..............................
..............................
အမေ နဲ့ အတူ ဈေးဝယ်သွားရင်း ပြုံးခဲ့ရတဲ့အဖြစ်ကလေးတခုကို
တင်ပြချင်ပါတယ်။
အမေ က မနက်ဆိုရင် ပုဗ္ဗာရုံကျောင်းတိုက်က
အာရုံဆွမ်းအတွက် ဆွမ်းခံကြွလာရင်
ဆွမ်းလောင်းပါတယ်။ နေ့ ဆွမ်းအတွက်ကျတော့
အာသံကျောင်းတိုက်ကို ဆွမ်းအိုး
တည်ပါတယ်။ဆွမ်းအိုးကိုတော့ ကိုရင်လေးတွေက
လာကောက်တာပေါ့။
တနင်္ဂနွေဆိုရင် အချိန်လည်းကောင်းကောင်းရတာနဲ
့ အမေ နဲ့အတူ ဈေးဝယ်လေ့ရှိပါတယ်။
တပတ်မှ တခါလောက် ဈေးကိုသွားပြီး
ဆွမ်းဟင်းအတွက် စိတ်တိုင်းကျ အမေက ၀ယ်
လေ့ရှိပါတယ်။ ဒီတပတ်တော့ အမေက ငါးဝယ်မယ်ဆိ်ုပြီး ငါးသည် ဆီမှာ
ငါးကို ဘယ်
လောက်ဈေးလည်း စသဖြင့် မေးတာပေါ့။
ဟိုငါးကျတော့ ဘယ်လောက်ဈေးလဲ။ ဒီငါးကျတော့
ဘယ်လောက်ဈေးလဲ နဲ့  အမေ ကမေးတဲ့အခါ
ဈေးသည်က စိတ်မရှည်တဲ့လေသံနဲ့ ဖြေ
ပါတယ်။ ခါတိုင်းလည်း သူ့ ဆီမှာပဲ
အလေးမှန်ဈေးမှန်မို့ ဝယ်နေကျပါ။ ဈေးသည်ရဲ့
သားလား မောင်လား တော့ မသိပါဘူး။
အရွယ်လတ် အမျိုးသားတစ်ယောက်
ရောက်လာပြီး တခုခုပြောပုံရပါတယ်။သမီးတော်လည်းကောင်းကောင်းတော့
မကြားလိုက်
မိဘူးရှင်။ဈေးသည်မမ ကြီး ဒေါနဲ့မောနဲ
့ပြန်ပြောတာပဲ ကြားမိတယ်။
ငါ ဒီမှာ မအားတာမတွေ့ ဘူးလား။ တမနက်လုံး
မနားတမ်းလုပ်နေရတာ
ငါသေတော့မယ်။ ငါ့ ကို လာမခိုင်းစမ်းနဲ
့။ တဲ့ 
ဒီအချိန်မှာပဲ တခြားဈေးဝယ်တစ်ယောက်က
ကြက်ဝယ်ဖို့ လာမေးပြန်ပါတယ်။
ခေါင်း သုံးခေါင်းကို ဒေါက်ကနဲ
ဒေါက်ကနဲ့  ခုတ်ဖြတ်ပေးလိုက်ပြီးတော့
နောက်ထပ် ကြက်သားထပ်ယူဖို့ ဈေးမေးတာမှာ
ကျမ မရောင်းနိုင်တော့ဘူး။
တခြားမှာသာ သွားဝယ်လိုက်ပါတော့လို
့ ပင်ပန်းနွမ်းလျစွာ ဆိုပါတယ်။
ဝယ်ချင်တဲ့သူကလည်း ပြီးမှ ပြန်လာခဲ့မယ်လို
့ပြောပြီး ဈေးသည်ကို ပြုံးစိစိ
ကြည့်ပြီး ထွက်သွားပါတယ်။ ပြီးတော့
အမေ့ အတွက် ငါးခုတ်ပေးတယ်။
ငါးခုတ်ပြီး ချိန်ပြီးတော့ ငါးရဲ့အမြီးပိုင်းလေးတခုကို
အဆစ်အပို အဖြစ် ကောက်
ထည့်ပေးတယ်။ ဒီမှာ အမေ က အဲ့ဒီ
အမြီးပိုင်းအစား ဗိုက်သားလေးထည့်ပေးပါ
လို့  တောင်းဆိုရော။ ဈေးသည်က စိတ်မရှည်နေတဲ့သူဆိုတော့
အဲ့ဒီ အမြီးက
အဆစ်ထည့်ပေးတာ မယူချင်လည်းမယူနဲ
့ ဗိုက်သားတော့ ထည့်မပေးနိုင်ဘူးလို့ 
မာဆတ်ဆတ် ပြန်အော်ရင်း အမြီးပိုင်းလေးကို ဆွဲထုတ်ပစ်ပါတယ်။
သမီးတော် ရီနေမိသလို ဈေးသည်ရဲ့မောင်လား
သားလား မသိတဲ့
သူကလည်း ရီပါတယ်။ အမေလည်း ပြံးစိစိနဲ
့(ကဲပါ ဗိုက်သားမပေးလည်းနေပါ
အဲ့ဒီ အမြီးလေးပဲ ပြန်ထည့်ပေးလိုက်ပါ
ကြောင်လေးတွေ ကျွေးရအောင်လို့  )လို့ 
ပြောတော့ ဈေးသည်က အမြီးကို နှစ်ခု
ပြန်ပြီး ကောက်ထည့်ပေးပါတယ်။
လူက စိတ်ပင်ပန်းပြီး ဒေါသဖြစ်နေပေမယ့်
သူ့ ရဲ့ စေတနာ ကတော့ တွန့်ဆုတ်ခြင်း
ဝန်တိုခြင်းမရှိခဲ့ပဲ တိုးလို့ သာ
ပိုထည့်ပေးခဲ့ပါသေးတယ်။
ငါးဝယ်ပြီး ဈေးတန်းဆက်လျှောက်ရင်း
သမီးတော် အမေ့ ကို စကားတစ်ခွန်းတော့
ပြောမိပါတယ်။ “ငါး သည်ကတော့ ဈေးရောင်းကောင်းလွန်းလို
့ တော်တော် ဒုက္ခ ရောက်
နေပုံရပါတယ်” လို့ ဆိုတော့ အမေ က ရီပါတယ်။
ဈေးသည်က စိတ်တိုပြီး အော်နေ ငေါက်နေပေမယ့်
ဘယ်သူမှ သူ့ ကို ပြန်ပြီး
စိတ်မဆိုးကြပဲ ပြုံးစိစိလေး ခွင့်လွှတ်ခဲ့ကြတာဟာ
အင်မတန်နှစ်လိုဖွယ်ကောင်း
လှတယ်လို့  တွေးမိပါတယ်။ သမီးတော်တို
့နေတဲ့မြို့ က ကျဉ်းကျဉ်းလေးပါ။
တစ်ယောက်နဲ့ တစ်ယောက် မရင်းနှီးလည်း
မျက်မှန်းတော့ တန်းမိတတ်ကြပါတယ်။
ဘယ်သူ့ဆီမှာ ဈေးမှန်ပြီး ဘယ်သူ့ဆီက
လတ်ဆတ်တယ် ၀ယ်လို့ ပိုကောင်းတယ်
ဆိုတာလည်း သိဖို့ လွယ်ပါတယ်။ ၀ယ်လို
့ကောင်းပြီးဈေးမှန်တဲ့အတွက်ကြောင့်
ဒီဈေးသည်ဆီမှာ အများစုက ၀ယ်ကြပါတယ်။
တနင်္ဂနွေဆိုရင် စစ်တပ်တွေက
ဈေးကားတွေနဲ့လာဝယ်တတ်ကြလို့  ပိုပြီးလည်းရောင်းကောင်းပါတယ်။
လက်မလည်အောင်ရောင်းရလို့ လည်း ဈေးသည်ခမျာ ပင်ပန်းနေရှာတာပါ။
အလျင်းသင့်လို့ သမီးတော်တို့ မြို့အကြောင်းလေးပြောပြချင်ပါသေးတယ်။
တစ်ယောက်နဲ့တစ်ယောက် ရင်းနှီးရင်လည်း
နင်ပဲ ငဆ အော်ကြီးဟစ်ကျယ်
နုတ်ဆက်တတ်တဲ့သူတွေလည်းရှိပါတယ်။
ဘယ်သူ ဘယ်လိုစရိုက် ဘယ်လိုအကျင့်နဲ့ 
ဘယ်လိုစကားမျိုးပြောတတ်တယ်ဆိုတာ
သိပြီးသားမို့  အပြောခံရတဲ့သူကလည်း
စိတ်မဆိုးပဲ ခပ်ပြုံးပြုံးသာ တုံ့ပြန်တတ်ကြပါတယ်။
လဖက်ရည်ဆိုင် ခေါက်ဆွဲဆိုင်
သွားတဲ့အခါ ဆိုင်ရှင်တွေက အလုပ်သမား
များများစားစားခေါ်ထားလေ့မရှိတော့
လူကျတဲ့အချိန်မျိုးဖြစ်ရင် ကိုယ်စားမယ့်
သောက်မယ့် ပန်းကန်ကို ကိုယ်ထူ ကိုယ်ထ
စနစ်နဲ့  ပြင်ဆင်ပေးတဲ့နေရာထိ ထယူတတ်ကြပါတယ်။
ဆိုင်ရှင်နဲ့အရမ်းရင်းနှီးရင်တော့
စားဖို့ သောက်ဖို့ သွားရင်း စားပွဲထိုးကူလုပ်ပေးတတ်ကြပါတယ်။
အဲ့ဒီအတွက်ကို
ကိုယ်စားတဲ့ စားသောက်စရိတ် မပေးပဲ
လည်း မထားသလို ဆိုင်ရှင်ကလည်းမယူပဲ
မနေပါဘူး။ ကူညီတာကို တန်ဖိုးဖြတ်တာမျိုး
မလုပ်သလို ကူညီတာ အကြောင်းပြပြီး
လည်း အခွင့်အရေးမယူကြပါဘူး။ တစ်ယောက်က
ဒေါသ ထွက်နေတဲ့အချိန်မှာ
နောက်တစ်ယောက်လိုက်ဒေါသထွက်ပြီး
ရန်ဖြစ်တာမျိုးမရှိပဲ။ သူ တခုခု အဆင်မပြေ
ဖြစ်နေတာလို့ တွေးပြီး ခွင့်လွှတ်ပေးကြ။နားလည်ပေးကြတဲ့အတွက်
အင်မတန်မှ
နှစ်လိုဖွယ်ရာဖြစ်ပါတယ်။ မြင့်မြတ်တဲ့စိတ်ထားရှိသူများနေထိုင်ရာ
မင်္ဂလာရှိသောမြို့ လို့ 
ကင်ပွန်းတပ်ရင် အမွှန်းတင်လွန်းရာ
ဖြစ်မယ် မထင်ပါဘူးရှင်။
ဈေးသည်ရဲ့ အဖြစ်ကလေးကို မြင်တွေ့ပြီး သမီးတော် ချက်ချင်းပဲ
တွေးမိသွားလို့  အထက်ပါ ကဗျာလေးကို စိတ်တွင်းက ရွတ်မိသွားတာပါ။
မိုးကုတ်ဆရာတော်ဘုရားကြီးပြောသလိုဆုတောင်းတွေပြည့်နေတာ
ဈေးသည်ပါပဲ။
ဈေးရောင်းတဲ့သူတစ်ယောက်ကဈေးရောင်းလို
့မကောင်းပါစေနဲ့လို့ 
ဘယ်သူကမှ ဆုတောင်းမှာ မဟုတ်ပါဘူး။ဈေးရောင်းကောင်းပါစေလို
့ဆုတောင်းမှာပါပဲ။
ခု ဒီဈေးသည်ဟာ ဆုတောင်းတွေပြည့်လို
့ဈေးရောင်းကောင်းခဲ့တာပါ။
ဆုတောင်းတွေ ပြည့်ပေမယ့် သူ့ မှာ
မပျော်နိုင်ရှာဘူး။
ကိုယ့်ဆုတောင်းနဲ့ ကိုယ် ဒုက္ခ ရောက်နေရှာသူပါ။
အသက်အရွယ်ကြောင့်လား
ကျန်းမာရေးကြောင့်လားမသိပေမယ့်
တော်တော်ကြီးကို ပင်ပန်းနေမှန်းသိသာလှပါတယ်။
ကိုယ့်ဆုတောင်းနဲ့ကိုယ့်ပြည့်တော့
ကိုယ့်ဒုက္ခနဲ့ကိုယ်ခံရတယ်လို့  ဆိုရတော့မှာပေါ့ရှင်။
ဆုတောင်းတွေ ပြည့်တဲ့အခါ တကယ်မပျော်နိုင်ပဲ
ဒုက္ခ ရောက်ကြတယ်ဆိုတာလေး
သမီးတော် မြင်မိသမျှ တွေးမိသမျှ
ရေးသားခြင်းသာဖြစ်ပါတယ်။
တဏှာနဲ့တောင်းတဲ့ဆု တကယ်ပြည့်တော့
ဒုက္ခသာလျှင် စင်စစ်မို့  မပျော်နိုင်ကြပါတကား။
*****တတိယမြောက်သမီးတော်*****
2 comment:
သမီတော်တို့ရဲ့မြို့လေးကိုလာချင်မိတယ် စိတ်ဝင်စားစရာမို့
လာခဲ့လေ..ဂျက် တကယ် အဲ့လိုလုပ်ရတယ်
အထာကြီးနဲ့နေတဲ့သူဆိုတာ ၁၅% လောက်တော့ ရှိလိမ့်မယ်
အားလုံးက အေးဆေးပဲ တန်းတူ စိတ်နဲ့ပဲ နေကြတယ်
Post a Comment