အရှုခံတရားတွေဆိုတာက ရူပက္ခန္ဓာ၊ဝေဒနာက္ခန္ဓာ၊သညာက္ခန္ဓာ။
သင်္ခါရက္ခန္ဓာ၊၀ိညာဏက္ခန္ဓာ၊ လို့ ငါးပါးရှိတယ်။
ဥာဏ်နဲ့ ခွဲဝေပုံ
ရတာပေါ့။
အဲ့ဒီငါးပုံထဲက ကြိုက်ရာတစ်ပုံပုံကိုရွေးပြီး
ဥာဏ်နဲ့ရှုရမယ်။
ဥာဏ်နဲ့အစိတ်မွှာပစ်ရမယ်။ဥာဏ်နဲ့မစိတ်နိုင်ရင်
အပေါင်း
ဖြစ်နေမယ်။ အပေါင်းဖြစ်နေသေးရင်
ပညတ်ဖြစ်နေမယ်။
ပညတ်ကိုမရှုရဘူး။
အဲ့ဒီဥာဏ်နဲ့ အစိတ်စိတ် အမွှာမွှာတွေ့အောင်
ရှုနိုင်မှ
ပရမတ်ကိုမြင်လာမယ်။ ပရမတ်ကိုသာ
ရှုရမှာ။ ဆိုလိုတာက
ဒီခန္ဓာ ငါးပါးလုံး တစ်ခုမှ တည်မြဲနေကြတာမဟုတ်ဘူး။
အားလုံးတဖြုတ်ဖြုတ်နဲ့ ပျက်စီးပြောင်းလွဲနေကြတာပဲ။
အဲ့ဒါတွေကိုမမြင်ကြတော့ အပေါင်းအစုဖြစ်ပြီး
ပုဂ္ဂိုလ်
သတ္တ၀ါတွေ ထင်ကုန်၊ လူ နတ် ဗြဟ္မာတွေ
ထင်ကုန်၊
ယောက်ျား မိန်းမတွေ ထင်ကုန်ကြတော့တာပေါ့။
အဲ့ဒီတော့ ပညတ်တွေ ဖုံးကုန်ရော။
ပညတ်တွေဖုံးနေပြီး ပညတ်အနေနဲ့မြင်နေသမျှလဲ
တရားမရနိုင်။ဘာလို့လံဆိုတော့ အမှန်အတိုင်း
မှ
မမြင်ကြဘဲကိုး။ အဲ့ဒါကြောင့်အမှန်အတိုင်း
မြင်ရအောင်
ခန္ဓာတွေကို ဥာဏ်နဲ့ စိတ်မွှာပစ်ပါ။
ဖြစ်-ပျက်တွေမြင်
အောင် ရှုပါလို့ ဆိုလိုတယ်။ အဲ့ဒီလိုခန္ဓာငါးပါးလုံး
ဖြစ်-ပျက်တွေ မျှသာ လို့မြင်လာမှ
အမြင်မှန် အမှန်မြင်ပဲ။
ဒီကျမှပဲ ပညတ်တွေကွာကျကုန်မယ်။
ပညတ်တွေကွာကျပြီး ပရမတ်သားသက်သက်ကို
မြင်ရမှသာ
တရားထူးရနိုင်မယ်။ အပေါင်းကြီးကိုမြင်နေရင်
ပညတ်တွေ
မစင်သေးလို့ တရားထူးမရနိုင်သေး။
ကိုယ့်စရိုက်နဲ့ လိုက်တဲ့ ကမ္မဋ္ဌာန်းရွေး
............။…………….။…………။……….
အဲ့ဒီခန္ဓာငါးပါးကို သတိပဋ္ဌာန်လေးပါးနဲ့ပုံနိုင်တယ်။
ပုံလို့ရှိရင် အခုလိုပုံလိုက်ပါ။
•ရူပက္ခန္ဓာ -ကာယာနုပဿနာ။
•ဝေဒနက္ခန္ဓာ - ဝေဒနာနုပဿနာ။
•သညာနဲ့ သင်္ခါရတို့က- ဓမ္မာနုပဿနာ။
•စိတ်ကလေးတွေက- စိတ္တာနုပဿနာ။
အဲ့ဒီအထဲက ကိုယ်နဲ့ဘယ်ကမ္မဋ္ဌာန်းနဲ့
လိုက်သလဲ ဆိုတာ
ရွေးချယ်ရပါမယ်။ ကိုယ့်စရိုက်နဲ့လိုက်တဲ့
ကမ္မဋ္ဌာန်းကို ရှုမှတ်မှ
တရားတက်လွယ်မယ်။
၁။ဥာဏ်ထိုင်းပြီး လောဘတွေများလျှင်
ကာယာနုပဿနာ(ရုပ်ကိုရှုပါ)
၂။ဥာဏ်ထိုင်းပြီး ဒိဋ္ဌိအယူအစွဲများလျှင်
စိတ္တာနုပဿနာ(စိတ်ကိုရှုပါ)
၃။ဥာဏ်ထက်ပြီး လောဘတွေများလျှင်
ဝေဒနာနုပဿနာ(ဝေဒနာရှုပါ)
၎။ဥာဏ်ထက်ပြီး လောဘတွေ နည်းပါးလျှင်
ဓမ္မာနုပဿနာ(ဖြစ်-ပျက်
သစ္စာကိုရှုပါ)
(မိုးကုတ် ဆရာတော်ဘုရားကြီး ၏ တစ်ဘ၀
သာသနာမှ)
*****တတိယမြောက်သမီးတော်*****
0 comment:
Post a Comment