ဗောဓိရာဇကုမာရမင်းသားသည် မြတ်စွာဘုရားကို
မေးလျှောက်ဖူး၏။
“အရှင်ဘုရား…မြတ်စွာဘုရားဟူသော
နည်းညွန်လမ်းပြ ဆုံးမမည့်သူ
ရသော ရဟန်းသည် ဘယ်လောက်ကြာမှ အရဟတ္တမဂ်
အရဟတ္တဖိုလ်ကို
ရနိုင်ပါမည်လဲ ဘုရား”
“မင်းသား….. ဤ အရေး၌ သင့်ကိုပင်
ပြန်၍ မေးရပေဦးမည်၊ သင်သည်
ဆင်စီးချွန်းကိုင် အတတ်ကို တတ်မြောက်ပါ၏လော”
“မှန်ပါ၊ တတ်မြောက်ပါ၏ ဘုရား”
“လူတစ်ယောက်သည် သင့်ထံသို့ ဆင်စီး
ချွန်းကိုင် အတတ်ကို
သင်ယူမည်ဟု လာ၏။ ထိုသူသည်..
၁။ကိုယ့်လုပ်ငန်းအပေါ် ယုံကြည်မှုမရှိ။
၂။ကျန်းမာမှု မရှိ၊
၃။ကောက်ကျစ်လိမ်လည်တတ်၏။
၎။ပျင်းလည်း ပျင်း၏။
၅။ဥာဏ်ကလည်း ထိုင်းလှ၏။
ထိုပုဂ္ဂိုလ်အားတတ်မြောက်ကျွမ်းကျင်အောင်
သင်ကြားပေးနိုင်မည်လော”
ဟု မေးတော်မူ၏။
“မှန်ပါ.. ဤ အင်္ဂါငါးပါးအနက် တစ်ပါးပါး
ချွတ်ယွင်းနေလျှင်ပင်
သင်ဖို့ မလွယ်ပါ။ ငါးပါးလုံးများ
ချွတ်ယွင်းနေလျှင်ကား
ဆိုဖွယ်မရှိတော့ပါဘုရား”
“သည်လိုဆိုလျှင် မေးဦးမည်။ လူတစ်ယောက်သည်ကား
၁။ကိုယ့်လုပ်ငန်းအပေါ် ယုံကြည်မှု
အပြည့်ရှိ၏။
၂။ကျန်းလည်း ကျန်းမာ၏။
၃။စိတ်ထားလည်း ဖြောင့်စင်း၏။
၎။မပျင်းမရိပဲ ကြိုးစားတတ်၏။
၅။ဥာဏ်ရည် ဥာဏ်စ ရှိသူလည်းဖြစ်၏။
ထိုသူမျိုးအားတတ်မြောက်အောင် သင်ကြားပေးနိုင်မည်လော။”
“မှန်ပါ၊ ထိုကဲ့သို့သော ပုဂ္ဂိုလ်မျိုးကား
အင်္ဂါရပ် အချို့အ၀က်ပြည့်စုံကာ
မျှဖြင့် တတ်မြောက်အောင်သင်ကြားပေးနိုင်ပါ၏။
ငါးပါးလုံးများ
ပြည့်စုံပါမူကား ဆိုဖွယ် မရှိတော့ပြီ
ဘုရား။”
“မင်းသား…ထို့အတူပင် တရားအားထုတ်သူ၏
အင်္ဂါရပ်(ပဓာနိယင်္ဂ)
ငါးပါးရှိ၏။ ယင်းတို့ကား-
*၁။ ဘုရားအပေါ် ယုံကြည်သော သဒ္ဓါ့
ရှိရမည်။
၂။ကျန်းမာသူလည်းဖြစ်ရမည်။
၃။စိတ်ထားဖြောင့်မတ်သူလည်းဖြစ်ရမည်။
၎။ဇွဲသန် ကြိုးစားအားထုတ်သူလည်းဖြစ်ရမည်။
၅။ဥာဏ်စွမ်း ဥာဏ်စလည်းရှိရမည်။
ဤ အင်္ဂါ ငါးပါးနှင့်ပြည့်စုံခဲ့သော်
မကြာမီပင် တရားထူးရနိုင်၏။
ဟူ၍ မိန့်တော်မူ၏။
(ဆောင်)
ယုံကြည်-ကျန်းမာ၊စိတ်ဖြောင့်စွာနှင့်။
လွန်စွာ အားထုတ်၊ နာမ်နှင့်ရုပ်ကို၊
ဖြစ်ချုပ်ဥာဏ်မြင် ဤ ငါးအင်၊ အမှန်ပင် မဂ် ရကြောင်း ။ ။
(မိုးကုတ်ဆရာတော်ဘုရားကြီး ၏ တစ်ဘ၀
သာသနာ မှ)
*****တတိယမြောက်သမီးတော်*****
0 comment:
Post a Comment