ဗုဒ္ဓမြတ်စွာ သာသနာ ရောင်ဝါနေသို့ လင်းပါစေ
Related Posts Plugin for WordPress, Blogger...

Posted on: Tuesday, February 2, 2016

စိတ္တာနုပဿနာ ရှုပုံ ရှုနည်း


ဒကာ ဒကာမတို့သန္တာန်မှာ ဖြစ်နိုင်တဲ့စိတ် ၊ ပေါ်နိုင်တဲ့စိတ်က
သိတ်မများပါဘူး။(၄၅)ပါးပဲ ရှိတယ်။ အဲ့ဒါ သင့်တော့သလို တစ်ခုစီ
လှည့်ပေါ်မှာပဲ။


ကာမစိတ် (၅၄)ပါးရှိတယ်။ ကာမဘုံမှာဖြစ်နိုင်တဲ့စိတ်တွေ၊
အဲ့ဒီ အထဲက ဘုရားရဟန္တာတို့ သန္တာန်မှာသာ ဖြစ်တဲ့မဟာ
ကြိယာစိတ် ၈-ခု၊ ဟသိတုပ္ပါဒ်စိတ်  ၁- ခု၊ ပေါင်း ၉- ခုနုတ်။
၄၅-ပါးသာကျန်တယ်။ ဒါဟာ တိဟိတ် ပုဂ္ဂိုလ်မှ ၄၅ ပါး လာမှာ။
ဒွိဟိတ် ပုဂ္ဂိုလ်ဆိုရင် ဥာဏ သမ္ပယုတ် ၄ -ပါး ထပ်နုတ်
၄၁-ပါးပဲ လာနိုင်မယ်။

စိတ်တွေ ရှိတာကတော့ စိတ်တစ်ခုယုတ် ကိုးဆယ်တောင်ရှိတာ။
ဒါကို အဖြောင့်ပြောရင် စိတ်ပေါင်း (၈၉)ပါး။ ဒါပေမယ့် အကုန်လုံး
ကိုယ်နဲ့ဆိုင်တာ မှ မဟုတ်ပဲ။ ကိုယ်နဲ့ဆိုင်တာ (၄၅)ပါးပဲ။ အဲ့ဒီ
(၄၅)ပါးထဲက တစ်ခုခု လှည့်ပေါ်မှာပဲ။ အဲ့ဒီလိုပေါ်တဲ့စိတ်ကို
ဥာဏ်နဲ့ အကဲခတ်၊ပျောက်သွားတာတွေ့မယ်။ အဲ့ဒါ
စိတ်ကိုရှုတာပဲ။

အဲ့တော့ စိတ်ကိုရှုတယ်ဆိုပေမယ့် စိတ်ကိုမတွေ့နိုင်ပါဘူး။
စိတ်ကလေးတွေ ပျောက်သွားတာကိုသာ တွေ့နိုင်ပါတယ်။
အဲ့ဒါကို စိတ္တာနုပဿနာ= စိတ်ကိုရှုတယ်လို့ ဆိုတာပဲ။
အေး… ယောဂီတို့ သန္တာန်မှာ ဖြစ်နိုင်တဲ့စိတ်ပေါင်း
(၄၅)ပါးဆိုတာ-
(က)အကုသိုလ်စိတ် - ၁၂ ပါး
(ခ)ဟသိတုပ္ပါဒ်စိတ်ဖယ်ထား၍ ကျန် အဟိတ်စိတ်  ၁၇ ပါး
(ဂ)မဟာကုသိုလ်စိတ်  ၈- ပါး
(ဃ)မဟာဝိပါက်စိတ်  ၈ -ပါး
စုစုပေါင်း  = ၄၅  ပါး

ဒကာဒကာမ တို့ သန္တာန်မှာဖြစ်နိင်တဲ့စိတ်တွေ
ဘယ်နေရာတွေ ဖြစ်နိုင်သလဲဆိုရင် မျက်စိ၊ နား ၊ နှာခေါင်း
လျှာ ၊ ကိုယ် ၊ စိတ် တို့မှ ဖြစ်နိုင်တယ်။

မျက်စိနဲ့ အဆင်းနဲ့ ဆုံတဲ့အခါ မြင်စိတ် ပေါ်တယ်။
နားနဲ့ အသံနဲ ဆုံတဲ့အခါ ကြားစိတ်ပေါ်တယ်။
နှာခေါင်းနဲ့ အနံနဲ့ ဆုံတဲ့အခါ  နံစိတ် မွှေးစိတ် ပေါ်တယ်။
လျှာနဲ့ အရသာနဲ့ ဆုံတဲ့အခါ စားစိတ်ပေါ်တယ်။ ကိုယ်ခန္ဓာနဲ့
တွေ့ထိစရာနဲ့ ဆုံရင် တွေ့ထိစိတ် ယားနာကောင်းစိတ် ပေါ်တယ်။
ဒီငါးမျိုးဟာ တစ်ခါတစ်ရံမှ အကြောင်းတိုက်ဆိုင်မှ ပေါ်လာတတ်ကြ
တာဆိုတော့ တစ်ခါတစ်ရံမှာ ပေါ်လာတတ်တဲ့ဧည့်သည်လိုပဲ။
ဒါကြောင့် ဧည့်သည်စိတ် ၅- မျိုးလို့ခေါ်တယ်။ဒီဧည့်သည်တွေကလဲ
ဝမ်းတွင်းမှာပေါ်တာမဟုတ်ဘူး။ ကိုယ်ပေါ် အပြင်ဘက်မှာ ပေါ်ကြတာ။
ဒါကြောင့် အပြင် ဧည့်သည်စိတ်  ၅-မျိုးလို့ခေါ်တယ်။ မျက်စိ၊ နား ၊
နှာခေါင်း၊ လျှာ ၊ ကိုယ်တို့မှာ ပေါ်တာ ဆိုတော့ အပြင်ဘက်ပေ့ါ။
အပြင် ဧည့်သည် ၅ ယောက် ဆိုပါတော့။

တစ်ခါဝမ်းထဲ ဟဒယ ၀တ္ထုမှာပေါ်တဲ့စိတ်များလည်း ရှိသေးတယ်။
တစ်ခါတစ်လေ လိုချင်မက်မောတဲ့ လောဘ စိတ် ပေါ်တယ်။
တစ်ခါတစ်လေ အလိုမကျ ဒေါသဖြစ်တဲ့ စိတ်များလည်း ပေါ်တယ်။
တစ်ခါတစ်လေ တွေဝေ မိုက်မှောင်တဲ့ မောဟစိတ်လည်းဖြစ်တယ်။
ဒါက အကုသိုလ်ဘက်က ၃ -ခု။

တစ်ခါတစ်လေကျတော့ ပေးချင် ကမ်းချင် လှုချင် တန်းချင် ဝေချင်
မျှချင် တဲ့ အလောဘစိတ် ကလေးများလည်း ပေါ်တတ်တယ်။
တစ်ခါတစ်လေကျတော့ မေတ္တာရှိတဲ့ အဒေါသ စိတ်လည်းပေါ်တယ်။
တစ်ခါတစ်လေကျတော့ ကိုယ့်ရဲ့လုပ်ငန်းအပေါ် တွေးတောကြံစည်တဲ့
စိတ်လည်းဖြစ်တယ်။ ဒါက ကုသိုလ်ဘက်က  ၃- ခု။

ဒီ ၆-မျိုးဟာလဲ တစ်ခါတစ်ရံမှ အကြောင်းတိုက်ဆိုင်မှ ပေါ်ကြတာ
ဆိုတော့ တစ်ခါတစ်ရံမှ ပေါ်လာတတ်တဲ့။ဧည့်သည်လိုပဲ။
ဒီဧည့်သည်က အတွင်းမှာပေါ်တဲ့ဧည့်သည်။ ၆- မျိုးရှိတယ်။
အတွင်း ဧည့်သည် ၆-ယောက်ပေါ့။

အပြင် ဧည့်သည်စိတ် ၅-မျိုး။ အတွင်းဧည့်သည်စိတ် ၆ -မျိုး။
ပေါင်း (၁၁)မျိုး၊ ဒီ (၁၁)မျိုးက ဧည့်သည်စိတ်တွေဆိုတော့
ဧည့်သည်ဟာ ပေါ်ချင်တဲ့အခါ ပေါ်လာသလို ဒီစိတ်တွေလည်း
ပေါ်ချင်တဲ့အခါမှ ပေါ်တယ်။ အကြောင်းတိုက်ဆိုင်တဲ့အခါမှ
ပေါ်လာတယ်။ ပေါ်လာတဲ့အခါ ကြုံတဲ့အခါ ရှုလိုက်ဖို့ပဲ။
ဒီလိုဆိုရင် သူတို့ မပေါ်လာတဲ့အခါ မကြုံတဲ့အခါ ဘယ်လိုလုပ်မလဲ။

အို..သက်စောင့် ရှိပါသေးတယ်။ သက်စောင့်ဆိုတာ လေကို
ထုတ်သောစိတ် ။ လေကို သွင်းသောစိတ်။ ဒီစိတ်နှစ်ခုက သတ္တ၀ါတွေ
မသေအောင် စောင့်ပေးတဲ့စိတ်၊ အမြဲရှိတယ်။ အမြဲရှိတယ်ဆိုတော့
အိမ်မှာ အမြဲနေတဲ့သူလိုပေါ့။ ဒါကြောင့် သူ့ကို အိမ်သည်စိတ်လို့
ခေါ်ရတာ။ အဲ့…သူ့ကိုရှု။ ဧည့်သည်တွေ မပေါ်ရင် အိမ်သည်ကိုရှု။

ဒီတော့ အရှုခံစိတ်ဟာ အပြင် ဧည့်သည် ၅- မျိုး။ အတွင်းဧည့်သည်
၆-မျိုး၊ အိမ်သည်  ၂- မျိုး။ ပေါင်း(၁၃)မျိုး ရှိတယ်။

ဧည့်သည်လာတဲ့အခါ ဧည်သည်ကို ဦးစားပေးလိုက်ပေါ့။ ဧည့်သည်
မလာတဲ့အခါ အိမ်သည်ပဲ ရှိတာ။ သူ့ကိုရှု။ လေကိုဝင်အောင်လုပ်တဲ့
စိတ်၊ လေကိုထွက်အောင်လုပ်တဲ့စိတ်၊ သူတို့နှစ်ခုက အမြဲတမ်း
မျှင်မျှင်ကလေးတော့ရှိနေတတ်တယ်။ စိတ်ကိုရှုဆိုတဲ့နေရာမှာလဲ
စိတ်ကိုတွေ့နေရမှာ မဟုတ်ဘူး။ စိတ်ကလေးတွေ ပြောင်းလွဲ
ပြောင်းလွဲသွားတာကိုတွေ့ရမှာ။ အဖြောင့်ပြောရရင် စိတ်ကလေးတွေရဲ့
အပျက်ကိုတွေ့ရမှာ။ အဖြစ်ရော အပျက်ရော တွေ့ရင်တော့
အကောင်းဆုံးပေါ့။




(မိုးကုတ် ဆရာတော်ဘုရားကြီး ၏ တစ်ဘ၀ သာသနာ မှ)




*****တတိယမြောက်သမီးတော်*****

0 comment: