ဝိပဿနာဆိုသည်မှာ

 ၀ိ သည် အမျိုးမျိုးအစားစား။ ပဿနာသည် ရှုမှတ်ခြင်း။

အမျိုးမျိုးအစားစားရှုမှတ်ခြင်းသည် ၀ိပဿနာမည်တယ်။

ခန္ဓာမှာပေါ်လာတဲ့ အဖြစ် သဘော အပျက်သဘောတွေ

အမျိုးမျိုး  ဖြစ်ပြ  ပျက်ပြတာကို မလွတ်တမ်းစောင့်ကြည့်

အကဲခတ် ရှုမှတ်ခြင်းသည် ၀ိပဿနာအလုပ်လုပ်ခြင်းပဲဖြစ်တယ်။

ခန္ဓာမှာ လှုပ်ခနဲ တစ်ချက်ပေါ်လိုက်တဲ့အခါ  ပေါ်မှန်းသိလိုက်ပြီး

ဆက်လှုပ်သေးလား လှုပ်တာလေး ရပ်သွားပြီလားလို့ စစ်ဆေး

ကြည့်လိုက်ပါ။

လှုပ်တာလေး ရပ်သွားတယ်ဆိုရင်ရပ်သွားပြီလို့သိလိုက်ပါ။

လှုပ်မှန်းသိပြီး လှုပ်တာလေး ရပ်သွားတာသိလိုက်ခြင်းဟာ

မဂ်ဥာဏ်ပေါ်တာပါ။ လှုပ်တာကိုတော့ သိတယ်။ ရပ်တာကိုတော့

မစစ်ဆေးမိလို့မသိလိုက်ဘူးဆိုရင် သမထ။ လှုပ်တာကိုလည်းသိတယ်

လှုပ်တာလေးရပ်သွားတာကိုလည်း စစ်ဆေးမိတယ်ဆိုရင်တော့

ဝိပဿနာ။

မိမိကိုယ်ခန္ဓာမှာ လှုပ်တဲ့သဘောလေးပေါ်လာတယ်။ ၀ါယောဓါတ်လို့

ခေါ်တဲ့ လေ ဆိုတဲ့ ရုပ်သဘောလေး လှုပ်ရှားခြင်းပါ။ အဲ့ဒီ လေ ဆိုတဲ့

ရုပ်သဘောလေးတွန်းထိုးလိုက်တဲ့အရှိန်ကြောင့် လှုပ်ရှားသွားတဲ့သဘော

လေးကို မိမိကိုယ်တိုင်သိလိုက်တာ။ သိတယ်ဆိုတာ သတိရှိလို့သိတာ။

လှုပ်သွားတာကို လှုပ်သွားတဲ့သဘောလေးပါလားလို့ သိလိုက်ခြင်းသည်

သမ္မာဒိဋ္ဌိ မည်တယ်။ဆက်ပြီးလှုပ်သေးလား မလှုပ်တော့ဘူးလားလို့

စစ်ဆေးဖို့စောင့်ကြည့်ခြင်းသည် ကောင်းသောကြံစည်ခြင်းဖြစ်လို့

သမ္မာသင်္ကပ္ပမည်တယ်။လှုပ်သွားတဲ့သဘောလေး ရှိသေးလား ရပ်သွား

ပြီလားလို့ဂရုစိုက်စစ်ဆေးခြင်းသည် ၀ီရိယစိုက်ထုတ်ခြင်းဖြစ်လို့

သမ္မာဝါယာမ မည်တယ်။ ဒီလိုလှုပ်သွားတဲ့သဘောလေး ရပ်သွားတဲ့

သဘေားလေးတွေကို စောင့်ကြည့်စစ်ဆေးနိုင်ခြင်းသည် သတိရှိလို့။

ကောင်းသောသတိ  သမ္မာ သတိမည်တယ်။ ခုလိုမိမိခန္ဓာက လှုပ်သွား

တဲ့ သဘောလေးကို အာရုံတပါး စိတ်မသွားပဲ စောင့်ကြည့်စစ်ဆေး

နိုင်တဲ့အတွက် ကိလေသာ ၀င်လာခြင်းမရှိပဲ ကောင်းသောအယူအဆ

ကောင်းသောကြံစည်ခြင်း ကောင်းသော အားစိုက်ထုတ်ခြင်း ကောင်းသော

သတိ ရှိနေခြင်းဟာ စိတ်တည်ကြည်ခြင်းပဲဖြစ်တယ်။ စိတ်တည်ကြည်

ခြင်းသမာဓိ  ကောင်းသောသမာဓိဖြစ်လို့  သမ္မာသမာဓိမည်တယ်။

အခုလိုမဂ္ဂင်ငါးပါးပြည့်စုံပြီး ရှုမှတ်ဆင်ခြင်းနေခြင်းသည် မဂ်ရနေခြင်းပဲ

ဖြစ်တယ်။ ဒါကို ပဉ္စင်္ဂိက မဂ်လို့ခေါ်ပါတယ်။ ပဉ္စ=ငါးပါး ။ အင်္ဂိက= အင်္ဂါ။

ငါးပါးသောအင်္ဂါ နှင့်ပြည့်စုံနေသော မဂ်။  ဒီ မဂ္ဂင်ငါးပါးနဲ့ပြည့်စုံနေခြင်းသည်

ဝိပဿနာ အားထုတ်ခြင်းဖြစ်တယ်။ မဂ်ဥာဏ်ပေါ်နေခြင်းပဲ ဖြစ်ပါတယ်။

မိမိရဲ့ ခန္ဓာမှာ လှုပ်ခနဲ ဖြစ်သွားတာဟာ ၀ါယောဓါတ်ရဲ့ တွန်းထိုးခြင်း

ကြောင့် ဖြစ်သွားတာ။ ၀ါယောဆိုတာ ရုပ်သဘောလေး ။ ထင်ရှားမှုရှိတယ်။

လှုပ်ရှားတဲ့သဘော တွန်းတိုက်တဲ့သဘောလေးတွေထင်ရှားတယ်။

အဲ့ဒီလိုထင်ရှားမှုရှိလို့ ကာယလို့ ခေါ်တာ။ လှုပ်ခနဲ ဖြစ်သွားတဲ့သဘော

လေးကို အဖြစ်သဘော အပျက်သဘောကို ရှုမှတ်လိုက်ခြင်းဟာ

ကာယာနုပဿနာသတိပဋ္ဌာန်နဲ့ ရှုမှတ်လိုက်ခြင်းဖြစ်တယ်။

ထင်ရှားတဲ့ရုပ်သဘောလေးကို အနုစိပ်ပြီး အဖြစ်ရဲ့သဘောလေး

အပျက်ရဲ့ သဘောလေးလို့ အကြောင်းတရားအမျိုးမျိုးကို

သတိနဲ့ စောင့်ကြောင့်ရှုမှတ်ခြင်းကြောင့် ကာယာနုပဿနာ

သတိပဋ္ဌာန်လို့ ခေါ်ပါတယ်။ ထင်ရှားတဲ့ရုပ်သဘောလေးသည်

ကာယဖြစ်ပါတယ်။ အနု ဆိုတာ အစိပ်စိပ်အပိုင်းပိုင်းလို့ဆိုပါတယ်။

ပဿနာသည် ရှုမှတ်ခြင်းဖြစ်ပါတယ်။ သတိဆိုတာ အောင့်မေ့ခြင်း

ကိုခေါ်ပါတယ်။ ပ သည် အမျိုးမျိုး ။  ဋ္ဌါနသည် အကြောင်းတရား။

ထင်ရှားတဲ့ရုပ်ရဲ့သဘောလေးကို အနုစိပ်ပြီး အကြောင်းတရား

အမျိုးမျိုးဖြစ်ခြင်းကို အောင့်မေ့ဆင်ခြင်ရှုမှတ်ခြင်းပဲဖြစ်ပါတယ်။

ခန္ဓာမှာ လှုပ်ခနဲဖြစ်သွားတဲ့သဘောလေးကိုရှုမှတ်ခြင်းပဲဖြစ်စေ။

ဝင်လေ ထွက်လေတို့ရဲ့နှာသီးဖျားတွန်းတိုက်မှု ရုပ်သဘောလေးကို

ရှုမှတ်ခြင်းပဲ ဖြစ်စေ အကြိမ်ကြိမ်အခါခါရှုမှတ်ခြင်းအားဖြင့်

သမာဓိတည်ကြည်လို့လာပါတယ်။ သမာဓိတည်ကြည်လာတဲ့အခါ

အလုပ်စဉ်ကလည်းမှန်နေတယ်။ ကိလေသာလည်း ကြားမခိုဘူးဆိုရင်

ဥာဏ်စဉ်တွေဟာ တဆင့်ထက်တဆင့် မြင့်တက်လာမှာဖြစ်ပါတယ်။

ရုပ်ရဲ့သဘောလေးကိုရှုမှတ်မှုမှာ ရုပ်သဘောလို့သိတာသည်

စိတ်က သိတာဖြစ်ပါတယ်။ သိတဲ့စိတ်ကလေးသည်လည်း သိပြီး

ခဏမှာပျက်ပါတယ်။ သိပြီးခဏမှာပျက်သွားတဲ့ စိတ်ရဲ့ သဘော

လေးကိုရှုမှတ်လိုက်ရင် စိတ္တာနုပဿနာဖြစ်ပါတယ်။

ဝိပဿနာရှုမှတ်သူဟာ သတိ သမာဓိတွေ အားကောင်းပြီး

သောမနဿဝေဒနာဖြစ်လာပါတယ်။ သောမနဿဝေဒနာကို

ဝေဒနာလေးပါလားလို့ သိပေးခြင်း ဝေဒနာလေး ဖြစ်ပြီး ပျက်သွား

ပါလားလို့ သိပေးလိုက်မယ်ဆိုရင် ဝေဒနာနုပဿနာ သတိပဋ္ဌာန်

ဖြစ်ပါတယ်။ ရုပ်ဓမ္မပဲဖြစ်ဖြစ် နာမ်ဓမ္မပဲဖြစ်ဖြစ် ပေါ်လာသမျှ ဓမ္မ

လေးများကို ကိလေသာ ကြားမခိုစေပဲ ရှုမှတ်မှုပြုနေခြင်းဟာ

ဓမ္မာနုပဿနာ သတိပဋ္ဌာန်ပဲဖြစ်ပါတယ်။ရှုမှတ်မှု ဆင်ခြင်မှု

ပြုလိုက်တဲ့အခါတိုင်း ရုပ်သဘောလေးလည်းပါတယ်.။

ရုပ်သဘောလေးကိုသိတဲ့ သိ ၀ိဥာဏ် ဆိုတဲ့ စိတ်သဘောလေး

လည်းပါတယ်။ရှုမှတ်မှုမှာ ရှုမှတ်ရင်း ၀မ်းမြောက်ဝမ်းသာ

ဖြစ်လာမယ်။ မနှစ်သက်တဲ့အာရုံတွေအပေါ်မှာ ဒေါမနဿ

ဝေဒနာဖြစ်လာမယ်။ နှစ်သက်ခြင်း မနှစ်သက်ခြင်း ၀မ်းသာ

ဝမ်းနည်းမရှိတဲ့ ဥပေက္ခာ  ဝေဒနာ စသည်ဖြင့်လည်း ဖြစ်

လာမယ်။ကိုယ့်ခန္ဓာမှာ ထိုင်တာကြာလို့ နာမှုကျင်မှုထုံကျဉ်ကိုက်ခဲမှု 

စတဲ့ ခံသာတဲ့ သဘော မခံသာတဲ့ သဘော ဝေဒနာတွေဖြစ်ပေါ်လာတော့

ဝေဒနာ အဖြစ်ကိုလည်းသိ အပျက်ကိုလည်းသိလိုက်တဲ့အခါ

ကာယနုပဿနာကနေ ဝေဒနာနုပဿနာဖြစ်သွားတယ်။

ဒါကြောင့် ကာယာနုပဿနာသတိပဋ္ဌာန်နဲ့ ရှုမှတ်တယ်

ဆိုသော်လည်းပဲ စိတ်ပါတယ် ဝေဒနာပါတယ် ဓမ္မာနုပဿနာ

ပါတယ်။ သတိပဋ္ဌာန်လေးပါးလုံး ပါသွားတယ်။  ရှုမှတ်တဲ့

ယောဂီကတော့ မိမိ ဥာဏ်မှာ ပေါ်တဲ့ ထင်ရှားရာကိုပဲ အဓိကထား

ရှုမှတ်ဆင်ခြင်သွားမှာဖြစ်ပါတယ်။စိတ်ပေါ်ပေါ် ဝေဒနာပေါ်ပေါ်

မိမိက မူလကမ္မဋ္ဌာန်းအာရုံမှာပဲ ရှုမှတ်ချင်တယ်ဆိုရင်လည်း

ပေါ်လာတဲ့ဓမ္မလေးတွေကို ဥပေက္ခာပြုပြီး ဆက်လက်ရှုမှတ်

သွားလို့ရပါတယ်။

ဘယ်လိုပဲ ရှုမှတ်သည်ဖြစ်စေ ပေါ်လာသမျှ ဓမ္မလေးတွေသည်

ဖြစ်ပြီး ပျက်တယ်။ အဖြစ်သဘောလေးကိုလည်းသိ။ အပျက်

သဘောလေးကိုသိ။ ၀ီရိယစိုက်ပြီး အဖြစ်သဘော အပျက်သဘော

မှန်သမျှ သတိနဲ့ လိုက်သိနေခြင်းအားဖြင့် ငါလို့ ယူဆတဲ့ သက္ကာယ

ဒိဋ္ဌိ သေပါတယ်။အပျက်သဘောကိုသိတဲ့အတွက် ခိုင်တယ်မြဲတယ်လို့

ယူဆတဲ့ သဿတ ဒိဋ္ဌိသေပါတယ်။ အဖြစ်သဘောကိုသိခြင်းအားဖြင့်

သေရင်ပြတ်တယ်လို့ ယူဆတဲ့ ဥစ္ဆေဒ ဒိဋ္ဌိသေပါတယ်။

ဖြစ်ပြီးရင် ပျက်တယ်။ ပျက်ပြီးရင် အစားထိုးတယ်ဆိုတာ သိသဖြင့်လည်း

သံသယ ၀ိစိကိစ္ဆာသေပါတယ်။

ဖြစ်ပျက်လေး တစ်ချက်မြင်လိုက်ရင် မဂ်တခါရပါတယ်။ ဒီမဂ်က 

ပွားရမယ့် မဂ်ပါ။ ဖြစ်ပျက် သုညဖြစ်တဲ့အထိ ဖြစ်ပျက်တွေ ဆုံးသွားတဲ့အထိ

ဖြစ်ပျက်တွေ ချုပ်သွားတဲ့အထိ ကာယပဿဒ္ဓိ စိတ္တပဿဒ္ဓိ

ကိလေသာ ပဿဒ္ဓိ ဖြစ်သွားအောင်ထိ ပွားရမှာဖြစ်ပါတယ်။

 ဖြစ်ပျက် သုညဖြစ်ရင် နိဗ္ဗာန်မြင်ပါတယ်။

မဂ္ဂင်ဖေါင်ကိုစီးပြီး နိဗ္ဗာန် သောင်ကမ်း ဆိုက်ရောက်နိုင်ကြပါစေ။

*****တတိယမြောက်သမီးတော်*****